Monkey Video: ఈ వ్యక్తి ఎవరో కానీ.. హ్యాట్సాఫ్ చెప్పాల్సిందే.. కాసేపు ఆలస్యమై ఉంటే ఈ చిన్న కోతి ప్రాణాలే పోయేవిగా..!

పలు సామాజిక మాధ్యమాల ద్వారా జంతువులకు సంబంధించిన వీడియోలు (Animal Videos) తరచుగా మన కళ్ల ముందుకు వస్తున్నాయి. జంతువులకు సంబంధించిన ఆసక్తికర విశేషాలకు సంబంధించిన వీడియోలు, వాటి చిలిపి చేష్టలకు సంబంధించిన వీడియోలు వైరల్ (Viral Video) అవుతుంటాయి. అయితే ప్రస్తుతం వైరల్ అవుతున్న ఓ వీడియో మానవత్వానికి మచ్చుతునకగా నిలిచింది. ఆపదలో చిక్కుకుని ప్రాణాల మీద ఆశలు వదిలేసుకున్న కోతిని (Monkey) ఓ వ్యక్తి కాపాడుతున్న వీడియో అది. ఆ వీడియో (Monkey Videos) నెట్టింట హల్‌చల్ చేస్తోంది.

@Enezator అనే ట్విటర్ హ్యాండిల్‌లో ఈ వీడియో షేర్ అయింది. వైరల్ అవుతున్న ఆ వీడియోలో అప్పుడే పుట్టిన ఓ చిన్న కోతి ఓ వలలో ఇరుక్కుని కాలవలో కొట్టుకుపోతోంది. అలాగే కాసేపు ఉంటే ఆ కోతి ప్రాణాలు గాల్లో కలిసిపోయేవి. అయితే ఓ వ్యక్తి ఆ కోతిని చూసి వెంటనే రంగంలోకి దిగాడు. దానిని రక్షించి నీళ్లు అందించాడు (Man saved Monkey). ముందు అతడు తనకు హాని చేస్తున్నాడనుకున్న కోతి అతడికి సహకరించలేదు. ఆ తర్వాత నిశబ్దంగా ఉండిపోయింది. ఆ వ్యక్తి ఆ కోతిని శుభ్రం చేసి వల దారాలను తెంపి దాని ప్రాణాలను కాపాడాడు.

Master Chef India: మాస్టర్ చెఫ్ షో లో.. వీళ్లు తింటున్న ఈ చిప్స్.. వేటితో తయారు చేశాడో తెలిస్తే నోరెళ్లబెట్టడం ఖాయం..!

చలికి వణికిపోతున్న ఆ కోతిని ఆ వ్యక్తి తన గుండెలకు హత్తుకుని లాలించాడు. అనంతరం దానికి పళ్లు తినిపించాడు. ఈ వైరల్ వీడియోను ఇప్పటివరకు 24 లక్షల మంది కంటే ఎక్కువగా వీక్షించారు. ఈ వీడియోపై నెటిజన్లు ఎమోషనల్ కామెంట్లు చేశారు. ``ఆ వ్యక్తి చాలా దయా హృదయుడు``, ``ఆ వ్యక్తికి కోతి ధన్యవాదాలు చెబుతోంది``, ``మానవత్వం అంటే అదే. అతడికి సెల్యూట్`` అంటూ నెటిజన్లు కామెంట్లు చేస్తున్నారు.