Bangalore Auto Driver: బెంగళూరు ఘటన వైరల్.. తప్పెవరిదో వీడియో చూసి తేల్చండి..!

బెంగళూరు, (ఆంధ్రజ్యోతి): బెంగళూరు(Bangalore) ఇందిరానగర్‌ మెట్రో రైల్వే స్టేసన్‌ సమీపాన ర్యాపిడో బైక్‌ డ్రైవర్‌ను ఆటోరిక్షా డ్రైవర్‌ ఒకరు వేధించిన సంఘటన చోటు చేసుకుంది. ఇందుకు సంబంధించిన వీడియోలు సోషల్‌ మీడియాలో వైరల్‌ అయ్యాయి. ర్యాపిడో(Rapido) బైక్‌ డ్రైవర్‌ ఫోన్‌ను ఆటో డ్రైవర్‌ లాక్కుని నేలకేసి కొట్టాడు. ర్యాపిడో బైక్‌ డ్రైవర్‌ ఎటువంటి ఫిర్యాదు చేయనప్పటికీ సోషల్‌మీడియాలో వైరల్‌ కావడంపై పోలీసులు స్పందించారు. బెంగళూరు నగర పోలీసులు ట్వీట్‌ చేసి ఆటో డ్రైవర్‌(Auto driver) తీరును తప్పుబట్టారు. వాస్తవాలు తెలుసుకుని తగిన చర్యలు తీసుకుంటామన్నారు. ర్యాపిడో సంస్థ వందకుపైగా నగరాలలో బైక్‌ సేవలందిస్తున్న సంగతి విదితమే.