CCTV Video: రోడ్డుపై నడుచుకుంటూ ఫోన్ మాట్లాడే అలవాటుందా..? ఈ యువతికి ఏం జరిగిందో చూస్తే పొరపాటున కూడా..!

చాలా మంది రోడ్డుపై మొబైల్ (Mobile) మాట్లాడుకుంటూ నడుచుకుంటూ వెళ్తుంటారు. ఆ క్రమంలో ఒక్కోసారి ప్రమాదాలకు గురవుతుంటారు. ముందు ఏం ఉందో చూసుకోకుండా వెళ్లి పడిపోతుంటారు. తాజాగా నోయిడా (Noida)లో ఓ యువతి అలాగే రోడ్డు మీద ఫోన్ మాట్లాడుకుంటూ నడుస్తోంది. ఆ సమయంలో ఆమెకు షాకింగ్ అనుభవం ఎదురైంది. ఆ ఘటన సీసీటీవీ కెమేరాలో రికార్డు అయింది. ఆ వీడియో సోషల్ మీడియాలో వైరల్ (Viral Video) అవుతోంది.

నోయిడా సెక్టార్-34లో నివసిస్తున్న ఓ యువతి సోమవారం సాయంత్రం ప్రధాన రహదారి గుండా కాలినడకన తన ఇంటికి వెళుతోంది. ఆ సమయంలో ఫోన్ రావడంతో మాట్లాడుకుంటూ నడుస్తోంది. ఇంతలో ఓ వ్యక్తి ఆ యువతి వెనుక మెల్లిగా నడుచుకుంటూ వచ్చి ఆమె చేతిలో ఉన్న మొబైల్‌ను (Mobile Snatching) లాక్కొని వెళ్లిపోయాడు. ఆ ఘటన మొత్తం అక్కడ అమర్చిన సీసీటీవీ కెమేరాలో రికార్డు అయింది. ఆ యువతి వెంటనే పోలీసులకు ఫిర్యాదు చేసింది. పోలీసులు సీసీటీవీ ఫుటేజ్ చూసి ఆ దొంగ (Thief)ను పట్టుకునేందుకు ప్రయత్నిస్తున్నారు (Crime News).

Viral Video: వధువు కొడుకునంటూ పెళ్లిలో ఈ పిల్లాడు స్పీచ్‌ను విని పడీపడీ నవ్వుకున్న బంధువులు.. కానీ అంతలోనే..!

Priya singh అనే యువతి ఈ వీడియోను తన ట్విటర్ హ్యాండిల్‌లో షేర్ చేసింది. ఈ వీడియో సోషల్ మీడియాలో వైరల్ అవుతోంది. దాదాపు 17 వేల మంది ఈ వీడియోను వీక్షించారు. ఈ వీడియోపై నెటిజన్లు తమదైన శైలిలో కామెంట్లు చేస్తున్నారు. ``పట్టపగలు ఇలాంటి దారుణమా``, ``ఆ వ్యక్తి డ్రగ్స్‌కు బానిస`` అంటూ నెటిజన్లు కామెంట్లు చేస్తున్నారు.