Viral: ఈ ఫొటోలోని వ్యక్తి ఎవరో గుర్తు పట్టారా..? పెళ్లయిన కొత్తలో భార్య తీసిన ఫొటోను బయటపెట్టిన ఈ సెలబ్రెటీ ఎవరంటే..!

పై ఫొటోలో సీరియస్‌గా చెస్ (Chess) ఆడుతున్న వ్యక్తిని చూశారా? సోషల్ మీడియాలో యాక్టివ్‌గా ఉండే ఆ సెలబ్రిటినీ గుర్తు పట్టగలరా? అతనో పెద్ద చెస్ ఛాంపియన్ అయి ఉంటాడు అనుకుంటున్నారా? అయితే మీరు తప్పులో కాలేసినట్టే. అతను చెస్ ఛాంపియన్ కాదు.. పెళ్లయిన కొత్తలో భార్య ఫొటో తీస్తుంటే అలా చెస్ ప్లేయర్‌గా ఫోజు ఇచ్చాడంతే. అతను చెస్ ఛాంపియన్ కాదు కానీ, భారత్‌లోని ప్రముఖ వ్యాపార వేత్త. సోషల్ మీడియాలో యాక్టివ్‌గా ఉండే ఆనంద్ మహీంద్రా (Anand Mahindra). తాజాగా ఆయన తన పెళ్లి నాటి తొలి రోజులను గుర్తు చేసుకున్నారు.

``గ్లోబల్‌ చెస్‌ లీగ్‌ (Global Chess League) జరిగినప్పుడు.. ఎప్పుడైనా చెస్‌ ఆడారా? అని నన్ను చాలా మంది అడిగారు. దీంతో నేను నా పాత జ్ఞాపకాల కోసం ఆల్బమ్‌ను వెతకగా ఈ ఫొటో దొరికింది. ఇది ఆగ్రాలో నా హనీమూన్‌ సమయంలో తీసుకున్న ఫొటో. రోబోటిక్‌ చెస్‌ బోర్డుపై ఆడలేదు. నా భార్య కెమెరా కోసం కేవలం అలా పోజిచ్చానంతే..! అయితే ఈ మధ్యకాలంలో ఆన్‌లైన్‌లో నా చెస్‌ నైపుణ్యాలను పెంచుకునేందుకు ప్రయత్నిస్తున్నా`` అని ఆనంద్‌ మహీంద్రా ట్వీట్ చేశారు (Anand Mahindra throwback photo).

Mother: ఏడాదిన్నర బాబును నిద్రపుచ్చి.. పక్కింటి మహిళతో ముచ్చట్లు.. 2 గంటలైనా ఏడవడం లేదేంటని వెళ్లి చూస్తే..

ఆనంద్ మహీంద్రా షేర్ చేసిన ఈ ఫొటో సోషల్ మీడియాలో వైరల్‌ (Viral)గా మారింది. ఈ ఫొటోను మూడు లక్షల మందికి పైగా వీక్షించారు. 3 వేల మంది లైక్ చేశారు. ఈ ఫొటోపై నెటిజన్లు తమ స్పందనలను తెలియజేశారు. ``మీ ఫొటో చాలా అద్భుతంగా ఉంది``, ``ఇప్పటికైనా చెస్ నేర్చుకోవడం ప్రారంభించినందుకు అభినందనలు``, ``మీరు ఎంతో మందికి స్ఫూర్తి`` అంటూ నెటిజన్లు కామెంట్లు చేస్తున్నారు.