Virat Kohli: విరాట్ కోహ్లీ రికార్డు సెంచరీ.. పెళ్లి పీటల మీద వధూవరులు ఏం చేశారంటే.. వైరల్ అవుతున్న వీడియో!

ప్రస్తుతం ప్రపంచకప్‌లో (World Cup2023) టీమిండియా (Team India) అదరగొడుతోంది. వరుస విజయాలతో పాయింట్ల పట్టికలో అగ్రస్థానంలో కొనసాగుతోంది. ఇప్పటివరకు అపజయం అనేదే లేకుండా అప్రతిహతంగా దూసుకుపోతోంది. టీమిండియా స్టార్ బ్యాటర్ విరాట్ కోహ్లీ (Virat Kohli) సూపర్ ఫామ్‌ కొనసాగిస్తూ పరుగుల ప్రవాహం సృష్టించాడు. తాజాగా దక్షిణాఫ్రికాతో జరిగిన మ్యాచ్‌లో (India vs South Africa) 49వ సెంచరీ సాధించి (Kohli Recod Century) సచిన్ రికార్డును సమం చేశాడు. ఈ నేపథ్యంలో దేశవ్యాప్తంగా ఉన్న క్రికెట్ అభిమానులు సంబరాలు చేసుకున్నారు.

ఉత్తరప్రదేశ్‌ (Uttar Pradesh)లోని మొరాదాబాద్‌లో ఓ కొత్త జంట కూడా భారత్ విజయాన్ని, కోహ్లీ రికార్డు సెంచరీని ఘనంగా సెలబ్రేట్ చేసుకుని తమ వివాహాన్ని ప్రత్యేకంగా మార్చుకున్నారు. పెళ్లి పీటల మీదే తమ సంతోషాన్ని వ్యక్తం చేశారు. కోహ్లీ సెంచరీ పూర్తి చేయగానే వధూవరులు (Bride and Groom) పెళ్లి పీటల మీదే వారి బంధువులతో కలిసి విరాట్ కోహ్లీ ఫొటోలను చేతుల్లో పట్టుకుని సంతోషాన్ని వ్యక్తం చేశారు. ఇది డబుల్ ధమాకాలా ఉందని వరుడు సంతోషం వ్యక్తం చేశాడు.

Mobile Charger: ఇలాంటి గుర్తులు కనుక కనిపించకపోతే.. పొరపాటున కూడా ఆ ఛార్జర్‌ను కొనకండి.. లేకుంటే పేలిపోవడం ఖాయం..!

``చాలా అద్భుతమైన ఫీలింగ్. ఈ ప్రత్యేకమైన రోజును ఎప్పటికీ మర్చిపోలేమ``ని వధువు కామెంట్ చేసింది. ``ఇది నాకు డబుల్ ధమాకా. విరాట్ కోహ్లీ రికార్డు సెంచరీ చేశాడు. దక్షిణాఫ్రికాపై భారత్ విజయాన్ని సాధించింది. నా పెళ్లి రోజున ఇది స్పెషల్ మూమెంట్`` అంటూ వరుడు పేర్కొన్నాడు. ఈ వీడియో సోషల్ మీడియాలో వైరల్ అయింది. 89 వేల మందికి పైగా ఈ వీడియోను వీక్షించారు. వధూవరులకు చాలా మంది శుభాకాంక్షలు తెలియజేశారు.