Chandrayaan-3: ఆస్ట్రేలియా గగనతలంపై చంద్రయాన్-3.. వైరల్ అవుతున్న సూపర్ ఫొటో!
ABN , First Publish Date - 2023-07-16T14:03:50+05:30 IST
భారత అంతరిక్ష పరిశోధన సంస్థ (ఇస్రో) ఈ నెల 14వ తేదీన చంద్రయాన్-3ని విజయవంతంగా ప్రయోగించింది. చంద్రయాన్ -3 ఉపగ్రహాన్ని నిర్దేశిత కక్ష్యలోకి ఎల్వీఎం-3 ఎం-4 రాకెట్ ప్రవేశపెట్టింది. చంద్రుని దక్షిణ ధ్రువంపై ఎవరూ చూడని నిగూఢ రహస్యాలను ఛేదించే చంద్రయాన్-3 ప్రయోగాన్ని ఇస్రో శాస్త్రవేత్తలు చేపట్టారు.
భారత అంతరిక్ష పరిశోధన సంస్థ (ISRO) ఈ నెల 14వ తేదీన చంద్రయాన్-3 (Chandrayaan-3)ని విజయవంతంగా ప్రయోగించింది. చంద్రయాన్ -3 ఉపగ్రహాన్ని నిర్దేశిత కక్ష్యలోకి ఎల్వీఎం-3 ఎం-4 రాకెట్ ప్రవేశపెట్టింది. చంద్రుని (Moon) దక్షిణ ధ్రువంపై ఎవరూ చూడని నిగూఢ రహస్యాలను ఛేదించే చంద్రయాన్-3 ప్రయోగాన్ని ఇస్రో శాస్త్రవేత్తలు చేపట్టారు. శ్రీహరికోటలోని సతీష్‌ ధవన్‌ స్పేస్‌ సెంటర్‌ (షార్‌) ఈ ప్రయోగానికి వేదికైంది. ఈ వ్యోమనౌక దాదాపు 40 రోజులపాటు అంతరిక్షంలో ప్రయాణించి చివరికి ఆగస్టు 23 లేదా 24న చంద్రుడిపై దిగనుంది.
చంద్రయాన్-3కి సంబంధించిన పలు ఫొటోలు, వీడియోలు సోషల్ మీడియాలో విపరీతంగా వైరల్ అవుతున్నాయి (Chandrayaan-3 Viral Photos). చంద్రయాన్-3ని ప్రయోగించిన అరగంట తర్వాత ఆస్ట్రేలియా (Australia) గగనతలం నుంచి వెళ్తుండగా ఆ దేశానికి చెందిన డైలాన్ డానెల్ అనే అంతరిక్ష ఔత్సాహికుడు తన ఇంటి మేడ మీద నుంచి ఫొటోలు తీశాడు. వాటిని సోషల్ మీడియాలో పోస్ట్ చేశాడు. రాత్రి సమయంలో తీసిన ఆ ఫొటోలు సోషల్ మీడియా జనాలను విపరీతంగా ఆకట్టుకుంటున్నాయి. అద్భుతంగా ఫొటోలు తీసిన డానెల్‌పై నెటిజన్లు ప్రశంసలు కురిపిస్తున్నారు (Chandrayaan-3's night sky picture).
Viral Video: వీళ్లెవరో కానీ.. డబ్బు విలువ బొత్తిగా తెలియదనుకుంటా.. కోట్ల విలువైన ఫెరారీ కారును ఎలా వాడుతున్నారో చూస్తే..!
``ఇండియన్ స్పేష్ ఏజెన్సీ చంద్రయాన్-3 ని లాంఛ్ చేస్తుండగా యూట్యూబ్ ద్వారా లైవ్ చూశాను. అరగంట తర్వాత ఆ రాకెట్ ఆస్ట్రేలియాలోని మా ఇంటి పై నుంచి కనిపించింది. కంగ్రాట్స్ ఇస్రో..`` అంటూ డానెల్ ట్వీట్ చేశారు. తను తీసిన ఫొటోను ట్విటర్‌లో పోస్ట్ చేశాడు. ఆ ఫొటోను దాదాపు 7.5 లక్షల మంది వీక్షించారు. ఆ ఫొటో అద్భుతంగా వచ్చిందని నెటిజన్లు కామెంట్లు చేస్తున్నారు.
