Viral Video: వారెవ్వా.. ఈ వయసులోనే ఇంత టాలెంటా..? కాలం కలిసొస్తే.. ఈ పిల్లాడే ఫ్యూచర్‌లో టాప్ సెలబ్రెటీ అవడం పక్కా..!

ప్రతిభ (Talent) అనేది ఎవరి సొత్తూ కాదు. ప్రతిభకు వయసుతో పని లేదు. ఎంత చిన్న పిల్లలైనా, పేద కుటుంబంలో పుట్టిన వారైనా ప్రతిభ ఉంటే వారిని ఆపడం కష్టం. ప్రస్తుతం వైరల్ అవుతున్న ఓ వీడియో (Viral Video)లో ఓ పిల్లాడు అద్భుతంగా పాడుతూ అందర్నీ ఆకట్టుకుంటున్నాడు. రోడ్డు పక్కన చెత్త ఏరుకునే ఆ కుర్రాడి ట్యాలెంట్‌కు అందరూ ఫిదా అవుతున్నారు. హై నోట్స్‌ కూడా అద్భుతంగా పలుకుతున్న ఆ కుర్రాడి గళం విని ఎమోషనల్ (Emotional Video) అవుతున్నారు.

@ChapraZila అనే ట్విటర్ ఖాతాలో ఈ వీడియో షేర్ అయింది. వైరల్ అవుతున్న ఆ వీడియోలో ఓ కుర్రాడు చిరిగిన బట్టలతో, చేతిలో గోనె సంచితో కూర్చుని ఉన్నాడు. భోజ్‌పురి భాషల్లో ఆ కుర్రాడు పాడుతున్న ఎమోషనల్ సాంగ్ చాలా మందిని ఆకట్టుకుంటోంది. తల్లి లేని కుర్రాడి జీవితం ఎలా ఉంటుందో వివరిస్తూ ఆ కుర్రాడు పాట పాడుతున్నాడు (Heart touching song). పెద్ద వారికి కూడా సాధ్యం కాని రీతిలో హై నోట్స్ అలవోకగా పలికిస్తున్నాడు. ఆ పాట చాలా మంది నెటిజన్లను హత్తుకుంటోంది.

Viral Video: అడవికి రారాజు సింహం కాదండోయ్.. పులులు కూడా కాదు.. ఈ వీడియో చూస్తే అసలు కింగ్ ఎవరో తేలిపోవడం పక్కా..!

ఈ వీడియోను ఇప్పటివరకు 82 వేల మందికి పైగా వీక్షించారు. 2 వేల మందికి పైగా లైక్ చేశారు. ఆ కుర్రాడి ట్యాలెంట్‌పై నెటిజన్లు ప్రశంసలు కురిపిస్తున్నారు. ``నా రోమాలు నిక్కబొడుచుకున్నాయి. అద్భుతమైన గానం``, ``పాపం.. ఆ కుర్రాడిని చూస్తే బాధగా ఉంది``, ``ఆ కుర్రాడికి ఎవరైనా సహాయం చేస్తే మంచి గాయకుడు అవుతాడు`` అంటూ కామెంట్లు చేస్తున్నారు. కొందరు ఆ వీడియోను రీ ట్వీట్ చేసి నటుడు సోనూసూద్‌ను ట్యాగ్ చేస్తున్నారు. ఆ కుర్రాడికి సహాయం చేయాల్సిందిగా సోనూను అభ్యర్థిస్తున్నారు.