Boys Hostel Room: బ్యాచులర్స్ గదిలోంచి బయటకు వచ్చిన ఒక్క ఫొటో.. సోషల్ మీడియా షేక్ అయిపోతోందిగా..!

ఇటీవల ఓ యువకుడు షేర్ చేసిన ఓ ఫొటో సోషల్ మీడియాలో పెద్ద చర్చకు దారి తీసింది (Viral Photo). ఆ ఫొటోపై నెటిజన్లు తమదైన వాదనలను వినిపిస్తున్నారు. @iffiViews అనే ట్విటర్ హ్యాండిల్‌లో ఓ యువకుడు తన హాస్టల్‌ రూమ్‌ (Boys hostel room)కు సంబంధించిన ఫొటోను షేర్ చేశాడు. ఆ ఫొటోలో ఆ యువకుడి మంచం కనబడుతోంది. అయితే ఆ ప్రాంతం అంతా చిందరవందరగా అస్తవ్యస్తంగా (filthy) ఉంది.

ఆ ఫొటోను షేర్ చేసిన యువకుడు.. ``చూడడానికి ఇది చెత్త ఫొటోలా ఉంది. కానీ, అబ్బాయిల కోణంలో నుంచి చూస్తే సరదాగా గడపడానికి అది చాలా మంచి రూమ్`` అని కామెంట్ చేశాడు. ఆ ఫొటో, ఆ కామెంట్ సోషల్ మీడియాలో వైరల్ అయ్యాయి. ఇప్పటివరకు ఈ ట్వీట్‌ను 12 లక్షల మంది చూశారు. ఆ ఫొటోపై చాలా మంది నెటిజన్లు భిన్న వాదనలు వినిపించారు. ``మీ బద్దకాన్ని, అపరిశుభ్రతను అందంగా మార్చడానికి ప్రయత్నించకండి`` అని ఒక వ్యక్తి కామెంట్ చేశాడు (Viral Tweet).

Marriage: భార్యకు మళ్లీ పెళ్లి.. దగ్గరుండి మరీ చేసిన భర్త.. మూడేళ్ల క్రితమే పెళ్లయింది కానీ..!

``అబ్బాయిల రూమ్ అలా ఉందంటే నీట్‌గా ఉన్నట్టే``, ``మా ఇంజినీరింగ్ కాలేజ్ హాస్టల్‌ను చూస్తున్నట్టు ఉంది``, ``ఆ ఫొటోలో ఉన్న రూమ్ బాగానే ఉందని ఎవరైనా అంటే వారిని డాక్టర్‌కు చూపించాల్సిందే``, ``ఆ రూమ్‌లో ఎక్కువ సమయం గడిపితే ఇన్ఫెక్షన్లు రావడం ఖాయం``, ``బ్యాచులర్ కుర్రాళ్ల రూమ్‌లు అలాగే ఉంటాయి`` అంటూ నెటిజన్లు కామెంట్లు చేస్తున్నారు.