Mother: అమ్మకు అసలైన ఆనందం అదే కదా.. ఇండిగో ఫ్లైట్ ఎక్కిన మహిళ.. ఆ విమానాన్ని కొడుకే నడుపుతున్నాడని తెలిసి..
ABN , First Publish Date - 2023-10-10T19:05:38+05:30 IST
ఆ మహిళ అందరిలాగానే విమానం ఎక్కింది.. ఆమెను చూసిన క్యాబిన్ సిబ్బంది నవ్వుతూ ఆహ్వానించారు.. ఆమెకు ఏమీ అర్థం కాలేదు.. అంతలో ఆమె కొడుకు ప్రత్యక్షమయ్యాడు.. ఆ విమానాన్ని తానే నడుపుతున్నానని చెప్పాడు.. దీంతో ఆ తల్లి సంతోషానికి అవధులు లేకుండా పోయాయి..
ఆ మహిళ అందరిలాగానే విమానం (Flight) ఎక్కింది.. ఆమెను చూసిన క్యాబిన్ సిబ్బంది నవ్వుతూ ఆహ్వానించారు.. ఆమెకు ఏమీ అర్థం కాలేదు.. అంతలో ఆమె కొడుకు (Son) ప్రత్యక్షమయ్యాడు.. ఆ విమానాన్ని తానే నడుపుతున్నానని చెప్పాడు.. దీంతో ఆ తల్లి (Mother) సంతోషానికి అవధులు లేకుండా పోయాయి.. ఆ భావోద్వేగ ఘటనను సిబ్బంది వీడియో (Emotional Video) తీసి సోషల్ మీడియాలో పోస్ట్ చేశారు. ఆ ఎమోషనల్ వీడియో సోషల్ మీడియాలో వైరల్ అవుతోంది. ఆ వీడియోపై నెటిజన్లు ప్రశంసలు కురిపిస్తున్నారు.
విమల్ శశిధరన్ అనే ఇండిగో పైలట్ (IndiGo pilot) విమానం ఎక్కిన తన తల్లిని ఆశ్చర్యపరిచాడు. శశిధరన్ తల్లి ఇతర ప్రయాణీకుల మాదిరిగానే ఫ్లైట్ ఎక్కింది. ఆ రోజు ఆ విమానానికి తన కొడుకు పైలెట్ అని ఆమెకు తెలియదు. ఆమె విమానంలోకి ప్రవేశించినప్పుడు ఫ్లైట్ అటెండెంట్లు ఆమెను నవ్వుతూ పలకరించారు. అంతలో శశిధరన్ అక్కడకు వచ్చి ``అమ్మా`` అని పిలవడంతో ఆమె ఆశ్చర్యపోయింది. సంతోషంతో ఉబ్బితబ్బిబ్బు అయింది. అనంతరం కన్నీళ్లు పెట్టుకుంది.
Viral Video: చిరుత vs నాగుపాము, ఒళ్లు గగుర్పొడిచే ఈ ఫైట్‌లో గెలిచేదెవరు? వైరల్ అవుతున్న షాకింగ్ వీడియో!
iflya320 అనే ఇన్‌స్టాగ్రామ్ హ్యాండిల్‌లో ఈ వీడియో షేర్ అయింది. ఈ ఎమోషనల్ వీడియోను ఇప్పటివరకు 13 లక్షల మందికి పైగా వీక్షించారు. 1.6 లక్షల మందికి పైగా లైక్ చేశారు. ఈ వీడియోపై నెటిజన్లు తమదైన శైలిలో స్పందిస్తున్నారు. ``ఆ తల్లి సంతోషాన్ని మాటల్లో చెప్పలేం``, ``స్వీట్ సర్‌ప్రైజ్``, ``నిజమైన ఆనందం``, ``ఆమె ఎంతో గర్వపడి ఉంటుంది`` అంటూ నెటిజన్లు కామెంట్లు చేశారు.
