Delhi Metro:మెట్రోలో సీటు కోసం మహిళల గొడవ.. వైరల్ అవుతున్న వీడియో

ఢిల్లీ: ఆర్టీసీ బస్సుల్లో సీట్ల కోసం గొడవ పడటం కామన్ అనుకున్నట్లున్నారు ఆ మహిళలు.. ఇప్పుడు ఏకంగా మెట్రోలో(Delhi Metro) సీట్ కోసం తగువులాడారు. ఇందుకు సంబంధించిన వీడియో నెట్టింట్లో వైరల్(Viral Video) అవుతోంది. వీడియోలో కనిపిస్తున్న వివరాల ప్రకారం.. ఢిల్లీ మెట్రోలో ఇద్దరు వనితలు ప్రయాణిస్తున్నారు. అదే టైంలో ఒక సీటులో కూర్చొవడానికి ఇద్దరూ ప్రయత్నించారు. చివరికి ఓ మహిళకే(Ladies Fight) కూర్చునే ఛాన్స్ దక్కింది. తనను పక్కకు జరిపి.. నువ్వెందుకు సీట్లో కూర్చున్నావని మరో మహిళ ప్రశ్నించింది. ఇరువురి మధ్య మాటా మాటా పెరిగింది. ఇందుకు సంబంధించిన దృశ్యాలను కొందరు వీడియో తీసి సోషల్ మీడియాలో అప్ లోడ్ చేశారు. వీడియోకు నెటిజన్ల నుంచి ఫన్నీకామెంట్స్ వస్తున్నాయి. “ఢిల్లీ మెట్రోకు స్వాగతం. ఈరోజు మహిళల కోచ్‌లో గొడవ ఉంది. ధన్యవాద్" అని ఒకరు ఎక్స్(X) లో పోస్ట్ చేయగా.. ఢిల్లీ మెట్రో అన్నీ చూసింది అని ఒకరు.. మెట్రోలో ఘర్షణల కోసం లైఫ్ ఇన్ ఎ ఢిల్లీ మెట్రో చూడండి అంటూ ఒకరు.. ఒక వాదనను ఎలా గెలవాలి.. ఇంగ్లీష్ లో చెప్పండి అంటూ మరొకరు.. ఢిల్లీ మెట్రో బాగుంది కానీ.. ప్రయాణించేవారికి అవమానకరం అంటూ.. ఇలా తమకు నచ్చిన విధంగా నెటిజన్లు ఎక్స్ లో రాసుకొచ్చారు.