Snake Video: పామును ముద్దు పెట్టుకునేందుకు ఓ వ్యక్తి ప్రయత్నం.. సడన్‌గా పెదవులపై కాటేసిన సర్పం.. చివరకు..!

పాము (Snake) అనే పదం వింటేనే చాలా మంది భయపడతారు. పాము ఉందని తెలిస్తే అటు వైపు వెళ్లడానికి కూడా భయపడతారు. కానీ, కొందరు ధైర్యవంతులు మాత్రం పాములతో ఆటలాడతారు. సాధారణ ప్రాణుల్లాగానే చూస్తారు. ప్రస్తుతం వైరల్ అవుతున్న ఓ వీడియో (Viral Video)లో ఓ వ్యక్తిని పామును ముద్దు పెట్టుకోవడానికి ప్రయత్నించాడు (Kissing Snake). అయితే ఆ తర్వాత జరిగింది చూస్తే ఒళ్లు గగుర్పొడవడం ఖాయం. కానీ, ఆ వ్యక్తి మాత్రం ఏం జరగనట్టుగానే వ్యవహరించి అందరికీ షాకిచ్చాడు. ఆ వీడియో సోషల్ మీడియాలో వైరల్ అవుతోంది (Snake Video).

snakefriend_akash_vatane అనే ఇన్‌స్టాగ్రామ్ హ్యాండిల్‌లో ఈ వీడియో షేర్ అయింది. వైరల్ అవుతున్న ఈ వీడియోలో రోడ్డుపై ఓ పాము ఉంది. ఓ వ్యక్తి దాని తలపై ముద్దు పెట్టుకునేందుకు ప్రయత్నించాడు. హఠాత్తుగా ఆ పాము ఆ వ్యక్తి నోటిపై కాటు వేసింది (Snake bite). వెంటనే ఆ వ్యక్తి గట్టిగా కేకలు వేసి వెనక్కి వెళ్లాడు. ఆ తర్వాత సర్దుకుని వెళ్లిపోతున్న పామును మళ్లీ పట్టుకున్నాడు. దాని తోక పట్టుకుని ఆపాడు. ఆ వీడియో సోషల్ మీడియాలో హల్‌చల్ చేస్తోంది.

Viral Video: చపాతీలు ఎక్కడయినా ఇంత బాగా పొంగడాన్ని చూశారా..? ఈ మహిళ అందులో ఏం కలిపిందో చూస్తే..!

ఆ వీడియోను ఇప్పటివరకు దాదాపు 4.50 లక్షల మంది వీక్షించారు. ఆ వీడియోపై నెటిజన్లు తమదైన శైలిలో స్పందించారు. ```పాము లిప్‌లాక్ ఇచ్చింది``, ``ఇది చాలా మూర్ఖత్వం``, ``ఆ వ్యక్తి తన జీవితంతో ఆటలాడుతున్నాడు``, ``ఇది చాలా అమాయకత్వం`` అంటూ నెటిజన్లు కామెంట్లు చేస్తున్నారు.