MS Dhoni: అభిమానికి ధోనీ సూపర్ గిఫ్ట్.. ఫ్యాన్ కారుపై ఆటోగ్రాఫ్.. వైరల్ వీడియోపై నెటిజన్లు రియాక్షన్లు ఏంటంటే..

భారత క్రికెట్‌లో మాస్టర్ బ్లాస్టర్ సచిన్ టెండూల్కర్ తర్వాత ఆ స్థాయి గుర్తింపు, అభిమాన గణం సంపాదించుకున్న క్రికెట్ లెజెండ్ మహేంద్ర సింగ్ ధోనీ (MS Dhoni). అంతర్జాతీయ క్రికెట్ నుంచి వైదొలిగిన తర్వాత కూడా ధోనీ పాపులారిటీ ఏ మాత్రం తగ్గలేదు. ధోనీ తన ఆటతీరు, ప్రవర్తనతో కోట్లాది మంది అభిమానులను సంపాదించుకున్నాడు. క్రికెట్ పై అవగాహన ఉన్న ప్రతిఒక్కరూ ధోనీని ఇష్టపడతారనడంలో ఎలాంటి అతిశయోక్తీ లేదు. తాజాగా ధోనీకి సంబంధించిన ఓ వీడియో సోషల్ మీడియాలో వైరల్ (Viral Video) అవుతోంది.

తాజాగా ధోనీ ఓ అభిమానికి (Dhoni Fan) మరపురాని బహుమతిని అందించాడు. అభిమాని కొన్న బీఎండబ్ల్యూ కారుపై (BMW Car) మహేంద్ర సింగ్ ధోనీ ఆటోగ్రాఫ్ (Dhoni Autograph) పెట్టాడు. ఈ ఘటనకు సంబంధించిన వీడియో సోషల్ మీడియాలో వైరల్‌గా మారింది. @DHONIism అనే ట్విటర్ హ్యాండిల్‌లో ఆ వీడియో షేర్ అయింది. వైరల్ అవుతున్న ఆ వీడియోలో ఓ అభిమాని బీఎండబ్ల్యూ కారు తీసుకుని ధోనీ దగ్గరకు వెళ్లి ఆటోగ్రాఫ్ అడిగాడు. అభిమాని కోరిక మేరకు ధోనీ కారు వెనుక సీట్లో కూర్చుని సంతకం పెట్టాడు.

Viral Video: ఎక్కువ కాలం బతకాలనుకుంటున్నారా? ఈ తాతగారు చెప్పింది వినండి.. 94 ఏళ్ల వృద్ధుడి సలహాపై డాక్టర్లు కూడా ప్రశంసలు!

ఈ ఘటనకు సంబంధించిన వీడియో సోషల్ మీడియాలో హల్‌చల్ చేస్తోంది. తక్కువ వ్యవధిలోనే లక్ష మందికి పైగా ఈ వీడియోను వీక్షించారు. ఈ వీడియోపై నెటిజన్లు తమదైన శైలిలో స్పందిస్తున్నారు. ``ధోనీకి ఉన్న క్రేజ్‌కు నిదర్శనం ఇదే``, ``ధోనీ బీహారీ యాక్సెంట్ చాలా అద్భుతంగా ఉంది``, ``ధోనీ చాలా మర్యాదపూర్వకంగా ప్రవర్తిస్తుంటాడు`` అంటూ నెటిజన్లు కామెంట్లు చేశారు.