Viral Video: బిహార్ రాష్ట్రానికి చెందిన ఓ న్యూస్ యాంకర్ (News Anchor) తాలూకు వీడియో ఒకటి ప్రస్తుతం సామాజిక మాధ్యమాల్లో (Social Media) వైరల్ అవుతోంది. లైవ్‌ న్యూస్‌లో ఆ యాంకరమ్మా చేసిన పనికి నెటిజన్లు ఫైర్ అవుతున్నారు. ఇంతకీ ఆ యాంకరమ్మా లైవ్‌లో ఏం చేసింది? ఆమెను నెటిజన్లు ఎందుకిలా ఏకిపారేస్తున్నారు? తదితర వివరాలు ఇప్పుడు తెలుసుకుందాం. ఓ ప్రముఖ న్యూస్ ఏజెన్సీలో పని చేస్తున్న ఆ యాంకరమ్మా.. అక్కడి భాగమతి నది (Bagmati River) కారణంగా పొటెత్తిన తీవ్రమైన వరదల తాలూకు న్యూస్‌ను లైవ్‌లో చదువుతున్నారు.

ఈ క్రమంలో స్టూడియో నుంచి వార్త చదువుతూ యాంకర్ తప్పు పదం పలికి, నవ్వడం (Laughs) చేశారు. ఇలా విషాదకర వార్త చదువతూ లైవ్‌లో నవ్వేసిందా యాంకరమ్మా. ఈ వీడియో కాస్తా బయటకు రావడంతో వైరల్‌గా మారింది. అంతే.. న్యూస్ యాంకర్‌పై నెటిజన్లు (Netizens) మండిపడుతున్నారు. 'అక్కడ జనాలు చచ్చిపోతుంటే నీకు నవ్వులాటగా ఉందా?' అంటూ ఏకిపారేస్తున్నారు. కాగా, దీనిపై తర్వాత ఆమె క్షమాపణలు కోరారు.

Zomato: 'మిస్టర్ కార్తీక్ ఎంటిది.. గుత్తాధిపత్యం వద్దు'.. జొమాటో ట్వీట్ వైరల్..!