Viral Video: వాకింగ్‌కు తీసుకెళ్తే.. సడన్‌గా పెంపుడు కుక్క మిస్సింగ్.. అంతా వెతికిన యజమానికి డౌట్.. చివరకు చెరువులోకి చూస్తే..!

సోషల్ మీడియా అందుబాటులోకి వచ్చాక రకరకాల వీడియోలు మన కళ్ల ముందుకు వస్తున్నాయి. ముఖ్యంగా వన్య ప్రాణులు (Wild Animals), ఇతర జంతువులకు సంబంధించిన వీడియోలు (Animal Videos) ఎక్కువగా ఉంటున్నాయి. వాటిల్లో కొన్ని హృదయాన్ని హత్తుకునేలా ఉంటే, మరికొన్ని ఆసక్తి రేకెత్తించేవిగా ఉంటున్నాయి. ప్రస్తుతం ఆస్ట్రేలియా (Australia)లో చిత్రీకరించిన ఓ వీడియో చాలా మందిని ఆశ్చర్యపరుస్తోంది. ఓ కంగరూ (Kangaroo) చేసిన నిర్వాకం చూసి చాలా మంది షాకవుతున్నారు.

Crazy Clips అనే ట్విటర్ హ్యాండిల్‌లో ఈ వీడియో షేర్ అయింది. వైరల్ అవుతున్న ఆ వీడియో ప్రకారం.. ఆస్ట్రేలియాకు చెందిన మోలోనీ అనే వ్యక్తి తన పెంపుడు కుక్క (Pet dog)ను ముర్రే నది ఒడ్డు మీద వాకింగ్‌కు తీసుకెళ్లాడు. కొద్ది సేపటి తర్వాత చూస్తే ఎక్కడా అతడి కుక్క కనిపించలేదు. దీంతో మోలోని పరిసర ప్రాంతాలన్నీ గాలించాడు. చివరకు నదిలోని ఓ కంగారూ చేతికి చిక్కిన తన పెంపుడు కుక్కను చూశాడు (Kangaroo attacks Pet dog). మోలోనీ పెంపుడు కుక్కపై ఓ కంగారు దాడి చేసి నదిలోకి ఈడ్చుకెళ్లిపోయింది. ఆ కుక్క తప్పించుకోకుండా తన చేతులతో గట్టిగా పట్టుకుంది.

Apsara Pencil: ఏం వాడకం సామీ.. అప్సర పెన్సిల్‌ను ప్రేమయాణానికి ఎలా వాడేశారో చూస్తే అవాక్కవడం ఖాయం..!

మోలోనీ వెంటనే నదిలోకి దిగి ఆ కంగారూ నుంచి తన పెంపుడు కుక్కను విడిపించాడు. ఆ సమయంలో మోలోనీపై కూడా ఆ కంగారూ దాడి చేసింది. కానీ, అతను తప్పించుకుని తన పెంపుడు కుక్కను కూడా కాపాడాడు. ఈ వీడియో సోషల్ మీడియాలో వైరల్‌గా (Viral Video) మారింది. 50 లక్షల మంది ఈ వీడియోను వీక్షించారు. 5 వేల మందికి పైగా ఈ వీడియోను లైక్ చేశారు. తన పెంపుడు కుక్క కోసం ధైర్యంగా కంగారూతో పోరాడిన మోలోనిపై నెటిజన్లు ప్రశంసలు కురిపిస్తున్నారు.