Rajini Kanth- Kamal Haasan: 18ఏళ్ల తర్వాత బాక్సాఫీస్ వద్ద పోటీ!
ABN , First Publish Date - 2023-02-05T12:47:01+05:30 IST
సినిమాను నిర్మించడం ఒక ఎత్తయితే, రిలీజ్ చేయడం మరో ఎత్తు. అందువల్ల మంచి రిలీజ్ డేట్ కోసం నిర్మాతలందరు పోటీపడుతుంటారు. పండగలు, సెలవుల సమయాల్లో ఒకేసారి రెండు, మూడు సినిమాలు ప్రేక్షకుల ముందుకు వస్తాయి.
సినిమాను నిర్మించడం ఒక ఎత్తయితే, రిలీజ్ చేయడం మరో ఎత్తు. అందువల్ల మంచి రిలీజ్ డేట్ కోసం నిర్మాతలందరు పోటీపడుతుంటారు. పండగలు, సెలవుల సమయాల్లో విడుదల చేయడానికి ప్రయత్నిస్తుంటారు. అప్పుడు ఒకేసారి రెండు, మూడు సినిమాలు ప్రేక్షకుల ముందుకు వస్తాయి. టాలీవుడ్ నుంచి బాలీవుడ్ వరకు ఏ ఇండస్ట్రీ అందుకు మినహాయింపు కాదు. అయితే, కోలీవుడ్ స్టార్ హీరోలు రజినీకాంత్ (Rajini Kanth), కమల్ హాసన్ (Kamal Haasan) ఒకే రోజున తమ సినిమాలను విడుదల చేయబోతున్నారని తెలుస్తోంది. బాక్సాఫీస్ వద్ద పోటీపడబోతున్నారని గుసగుసలు వినిపిస్తున్నాయి.
రజినీ కాంత్ హీరోగా చేస్తున్న ‘జైలర్’ (Jailer), కమల్ హాసన్ ‘ఇండియన్ 2’ (Indian 2) సినిమాలు ఒకే రోజున రిలీజ్ కాబోతున్నాయని రూమర్స్ హల్‌చల్ చేస్తున్నాయి. దీపావళి సందర్భంగా ఈ రెండు చిత్రాలు ప్రేక్షకుల ముందుకు రానున్నాయని తెలుస్తోంది. ఈ ఇద్దరి మూవీస్ 2005లో ఒక్కసారి బాక్సాఫీస్ వద్ద క్లాష్ అయ్యాయి. రజినీ కాంత్ ‘చంద్ర ముఖి’, కమల్ హాసన్ ‘ముంబై ఎక్స్‌ప్రెస్’ ఏప్రిల్ 14న ప్రేక్షకుల ముందుకు వచ్చాయి. అప్పుడు ‘చంద్రముఖి’ బాక్సాఫీస్ వద్ద బంపర్ హిట్ కొట్టింది. ‘ముంబై ఎక్స్‌ప్రెస్’ దారుణంగా పరాజయం పాలయింది. మరి ఈ సారి విజయం ఎవరిని వరిస్తుందో తెలియాలంటే సినిమాలు విడుదల అయ్యే వరకు వేచి చూడాల్సిందే. ‘ఇండియన్ 2’ కు శంకర్ దర్శకత్వం వహిస్తున్నారు. లైకా ప్రొడక్షన్స్, రెడ్ జెయింట్ మూవీస్ సంయుక్తంగా నిర్మిస్తున్నాయి. అనిరుధ్ సంగీతం అందిస్తున్నారు. ‘జైలర్’ ను నెల్సన్ దిలీప్ కుమార్ తెరకెక్కిస్తున్నారు. సన్ పిక్చర్స్ భారీ బడ్జెట్‌తో నిర్మిస్తుంది. ఈ రెండు సినిమాలపై భారీ అంచనాలు ఉన్నాయి.
