Ram Charan for Oscars: చెప్పులు లేకుండా అమెరికా బయలుదేరిన రామ్‌‌చరణ్.. ఆస్కార్ కోసం..

ఆర్ఆర్ఆర్ (RRR).. ప్రస్తుతం ప్రపంచం మొత్తం ఈ భారతీయ సినిమా గురించే మాట్లాడుకుంటోంది. గతేడాది మార్చి 25న థియేటర్స్‌లో విడుదలైన ఈ మూవీ ప్రపంచవ్యాప్తంగా దాదాపు రూ.1200 కోట్లకు పైగా వసూళ్లు సాధించింది. అనంతరం ఓటీటీ విడుదలైనప్పటి నుంచి ఈ మూవీ పరిస్థితే మారిపోయింది. ప్రపంచవ్యాప్తంగా పలువురు సినీ ప్రముఖులు ఈ చిత్రాన్ని చూసి ప్రశంసలు కురిపించారు. అనంతరం పలు అంతర్జాతీయ అవార్డులను కూడా ఈ సినిమా దక్కించుకుంది. అందులో సినీ కళాకారులు ఎంతో ప్రతిష్టాత్మకంగా భావించే గోల్డెన్ గ్లోబ్ అవార్డు (Golden Globes Award)ను సొంతం చేసుకుంది.

‘ఆర్ఆర్ఆర్’లోని ‘నాటు నాటు’ పాటకి బెస్ట్ ఓరిజినల్ సాంగ్ కేటగిరిలో గోల్డెన్ గ్లోబ్ అవార్డు లభించింది. దాంతో ఈ మూవీ మరింత మందికి చేరువైంది. అనంతరం ఆస్కార్‌ 2023కి ఈ మూవీ పలు విభాగాల్లో పోటీ పడగా.. బెస్ట్ ఓరిజినల్ సాంగ్ కేటగిరిలో నామినేషన్ దక్కించుకున్న విషయం తెలిసిందే. మార్చి 12న లాస్ వేగాస్‌లో జరిగిన వేడుకలో ‘ఆస్కార్ 2023’ కి సంబంధించిన ఫలితాలను వెల్లడించనున్నారు. ‘నాటు నాటు’ సాంగ్‌కి ఆస్కార్ రావడం గ్యారెంటీ అని ప్రతి ఒక్కరూ అనుకుంటున్నారు. ఈ తరుణంలో ఈ ప్రమోషన్స్‌ కోసం రామ్‌చరణ్ (Ram Charan) లాస్ వేగాస్‌కి బయలుదేరాడు.

ఇది కూడా చదవండి: NTR: కొడుకు కలెక్టరు.. తండ్రి బంట్రోతు

దీనికి సంబంధించిన పిక్స్ ప్రస్తుతం వైరల్ అవుతున్నాయి. అందులో అయ్యప్ప మాలలో ఉన్న చరణ్ అలాగే ఫ్లైట్ ఏక్కేశాడు. మాలలో ఉండడం వల్ల ఆయన కాళ్లకి చెప్పులు లేకుండా అమెరికాకి బయలుదేరాడు. దీంతో ఆస్కార్ కూడా సాధించి మన ఖ్యాతి ఇంకా పెంచాలని, గ్లోల్డెన్ గ్లోబ్ వచ్చేసింది.. ఆస్కార్ పని పట్టండి అంటూ పలువురు అభిమానులు కామెంట్స్ చేస్తున్నారు. కాగా.. మిగిలిన టీం మొత్తం మార్చి 7న లాస్ వేగాస్‌కి పయనం కానుంది. కాగా.. సోదరుడు తారకరత్న హఠాన్మరణం కారణంగా బాధలో ఉన్న ఎన్టీఆర్ అక్కడి వెళ్లే విషయంపై క్లారిటీ లేదు. కాగా.. ఈవెంట్‌లో మూవీ టీం లైవ్ ఫర్ఫామెన్స్ ఇవ్వనున్నట్లు తెలుస్తోంది.