Wife and Husband: రాత్రి అన్నం తిని నిద్రపోయిన ఆ భార్యాభర్తలు.. తెల్లారినా ఎంతకూ లేవలేదు.. ఏంటా అని పక్కింటోళ్లు వెళ్లి చూస్తే..!

మధ్యప్రదేశ్‌ (Madhya Pradesh)లోని సిద్ధి జిల్లాలో ఓ షాకింగ్ ఘటన వెలుగులోకి వచ్చింది. రాత్రి అన్నం తిని నిద్రపోయిన భార్యాభర్తలు (Wife and Husband) తర్వాత రోజు ఉదయం ఎంతకూ బయటకు రాలేదు.. మధ్యాహ్నం వరకు వారు బయటకు రాకపోవడంతో పక్కింటి వారు వెళ్లి చూశారు.. లోపల ఆ ఇద్దరూ విగత జీవులుగా పడి ఉన్నారు.. ఈ ఘటనతో ఒక్కసారిగా ఆ ప్రాంతమంతా ఉలిక్కి పడింది.. ఎవరో వారిని హత్య చేశారు.. కేసు నమోదు చేసుకున్న పోలీసులు విచారణ ప్రారంభించారు (Crime News).

సిద్ధి జిల్లా కమర్జి పోలీస్ స్టేషన్ పరిధిలోని బరిగన్వా గ్రామానికి చెందిన రాంలాల్ సాకేత్ (52), అతని భార్య బసంతి సాకేత్ (48)తో కలిసి నివసిస్తున్నాడు. గ్రామానికే చెందిన ఓ వ్యక్తితో రాంలాల్‌కు ఎప్పట్నుంచో భూవివాదం ఉంది. సోమవారం రాత్రి రాంలాల్ తన భార్యతో కలిసి భోజనం చేసి నిద్రపోయాడు. తర్వాతి రోజు ఉదయం ఎంతకూ వారు బయటకు రాలేదు. పక్కింటి వారు వెళ్లి చూడగా ఆ దంపతులు ఇద్దరూ రక్తపు మడుగులో పడి ఉన్నారు. ఎవరో రాళ్లతో కొట్టి వారిని హత్య చేసినట్టు తెలుస్తోంది.

Viral: 80 ఏళ్ల వృద్ధుడికి జీవిత ఖైదు.. 40 ఏళ్ల క్రితం చేసిన నేరానికి 4 దశాబ్దాల తర్వాత శిక్ష విధించిన కోర్టు..!

స్థానికులు వెంటనే పోలీసులకు సమాచారం అందించారు. కేసు నమోదు చేసుకున్న పోలీసులు మృతదేహాలను పోస్ట్‌మార్టమ్‌కు తరలించారు. రాంలాల్‌తో భూ వివాదం ఉన్న వ్యక్తినే నిందితుడిగా అందరూ అనుమానిస్తున్నారు. దీంతో పోలీసులు అతడిని అదుపులోకి తీసుకున్నారు. కేసు నమోదు చేసుకుని విచారణ ప్రారంభించారు.