Shocking Video: అమ్మబాబోయ్.. ఏంటీ ఈ వింత ఆకారం.. చేపలు ఉండాల్సిన అక్వేరియంలో ఇదేంటి..!

ప్రపంచంలో వింతలకు కొదవేమీ లేదు. కాకపోతే కొన్ని సార్లు మనం చూసేవాటిని నమ్మడం కష్టం. కొన్నింటిని చూసి ఇదేమైనా ఫేక్ న్యూస్ ఏమో అనుకుంటాం కూడా. కానీ ట్విట్టర్ లో వైరల్ అవుతున్న ఒక వీడియో ఇప్పుడు నెటిజెన్లను అందరినీ షాక్ కు గురి చేస్తోంది. 'బాబోయ్ ఏంటిది?? మెమెప్పుడూ చూళ్లేదే..' అని ఆశ్చర్యపోతున్నారు. చూశారంటే మీరు కూడా అలాగే రియాక్ట్ అవుతారు. ఈ వైరల్ వీడియోకు సంబంధించి వివరాల్లోకి వెళితే..

ట్విట్టర్ లో @WaterlsScary అనే అకౌంట్ యూజర్ ఒక వీడియోను పంచుకున్నారు. ఆ వీడియోలో అక్వేరియంలో చేపలకు బదులుగా వింత ఆకారంలో ఉన్న ఒక జీవి ఉంది. అదేంటో ఎవరికీ అంతుబట్టడం లేదు. చూడటానికి అప్పుడే పుట్టిన మానవశిశువులా కనిపించే ఈ జీవి నీళ్లలో చేపలా చక్కర్లు కొడుతూ కనిపించింది. ఈ జీవి తెల్లని రంగులో ఉంది. దీని తల, పాదాలు, కళ్ళు అప్పుడే పుట్టిన బిడ్డకు ఉన్నట్టే ఉన్నాయి. అది అటు ఇటు కదులుతూ ఉంటే చూసేవాళ్ళు కూడా అప్పుడే పుట్టిన బిడ్డ అలా కదులుతోందేమో అనుకుంటున్నారు. ఈ వీడియో చూసిన నెటిజన్లు 'అమ్మ బాబోయ్ ఇదేంటి?? మెమెప్పుడూ ఇలాంటిది చూళ్లేదే??' అని ఆశ్చర్యం వ్యక్తం చేస్తున్నారు.

Read also: ట్రైన్ జర్నీలో ఐదుగురు కుర్రాళ్ల తింగరి పని.. పరుగులు తీసిన పోలీసులు.. ప్రయాణీకులంతా టెన్షన్ టెన్షన్.. అసలేం జరిగిందంటే..

కొందరు ట్విట్టర్ యూజర్లు మాత్రం 'ఇది ఆఫ్రికన్ క్లౌడెడ్ ఫ్రాగ్, కాస్త ఉబ్బింది అందుకే ఇలా కనపడుతోంది' అని అంటున్నారు, మరొకరు అయితే 'ఇది ఎలియన్ బిడ్డలాగుంది బాబోయ్!!' అని ఆందోళన వ్యక్తం చేశారు. అక్కడక్కడా జన్యు పరమైన సమస్యల వల్ల కుక్కలకు, మేకలకు పుట్టే పిల్లలు వైవిధ్యంగా ఉండటం మనం చూస్తూనే ఉంటాం. అలాంటిదే ఇది కూడా అని కొందరు నెటిజన్లు సర్దిచెప్పుకుంటున్నా.. ఈ అక్వేరియంలో ఉన్న జీవి మాత్రం కాస్త కంగారు పెట్టేస్తోంది అందరినీ.. దీని రూపం అలాగుంది మరి.