Funny Video: ``సూర్య భయ్యా.. మేం చూసేశాం``.. కెమేరాను చూసి తినడం ఆపేసిన సూర్య కుమార్.. వైరల్ అవుతున్న ఫన్నీ వీడియో!

ప్రస్తుతం ప్రపంచకప్ (World Cup) ఫీవర్ అన్ని వైపులా వ్యాపించింది. ప్రస్తుతం మనదేశంలో జరుగుతున్న ప్రపంచకప్‌ క్రికెట్ ప్రేమికులను ఉర్రూతలూగిస్తోంది. ఆస్ట్రేలియాతో జరిగిన మ్యాచ్‌తో ఈ ప్రపంచకప్‌ను భారత్ ప్రారంభించింది (Aus vs Ind). ఆరు వికెట్ల తేడాతో ఆసీస్‌పై విజయం సాధించి ఈ వరల్డ్ కప్‌ను సాధికారికంగా ప్రారంభించింది. ఆ మ్యాచ్‌లో సూర్యకుమార్ యాదవ్‌ (Surya kumar Yadav)కు బరిలోకి దిగే అవకాశం రాలేదు. అయితే సూర్యకు సంబంధించిన ఓ ఫన్నీ వీడియో (Funny Video) సోషల్ మీడియాలో వైరల్ అవుతోంది.

@thetatvaindia అనే ట్విటర్ హ్యాండిల్‌లో ఈ వీడియో షేర్ అయింది. వైరల్ అవుతున్న ఆ వీడియోలో భారత్ బ్యాటింగ్ చేస్తుండగా మిగిలిన ఆటగాళ్లతో కలిసి సూర్య డగౌట్‌లో కూర్చున్నాడు. ఆ సమయంలో అతడు భోజనం చేస్తున్నాడు (Surya eating Food). అయితే అతడి మీద కెమేరా ఫోకస్ రాగానే తింటున్న వాడు సైలెంట్ అయిపోయాడు. ఆహారాన్ని నోట్లో పెట్టుకుని అలా ఉండిపోయాడు. ఈ వీడియోను ఓ వ్యక్తి గుర్తించి సోషల్ మీడియాలో పోస్ట్ చేశాడు. ఆ ఫన్నీ వీడియో చాలా మందిని ఆకట్టుకుంటోంది.

iPhone: ఐఫోన్ కొనాలని ఎవరికి ఉండదు.. చిల్లర నాణేలతో ఐఫోన్ కొన్న బిచ్చగాడు.. వీడియో వైరల్

ఈ వీడియోను ఇప్పటివరకు 7.5 లక్షల మంది వీక్షించారు. ఈ వీడియోపై నెటిజన్లు తమదైన శైలిలో ఫన్నీ కామెంట్లు చేస్తున్నారు. ``సూర్య బ్రదర్.. మేం చూసేశాం``, ``నేను ఎవరి పెళ్లికైనా వెళ్లి భోజనం చేస్తున్నప్పుడు వీడియోగ్రాఫర్ వస్తే ఇలాగే చేస్తాను``, ``డేంజరస్ రియాక్షన్``, ``నవ్వు ఆపుకోలేకపోతున్నా`` అంటూ నెటిజన్లు కామెంట్లు చేశారు.