చాలా ప్రమాదకరమైన ఎయిర్‌పోర్ట్ రన్‌వేపై పైలట్ విమానాన్ని ల్యాండ్ చేయడం ఎంత భయాన్నిఇస్తుందో కదా.. కానీ విమాన ప్రమాదాలు అస్తమానూ జరగకపోయినా ఎప్పుడో ఒకసారి ప్రమాదాలకు గురవుతూ ఉంటాయి. అయితే సోషల్ మీడియాలో దీనికి సంబంధించి చాలా ఫేక్ వీడియోలున్నాయి. కొన్ని చోట్ల ప్రమాదకరమైన విమానాశ్రయ రన్‌వేలు కూడా టేబుల్‌టాప్ రన్‌వేలుగా ఉంటాయి. టేబుల్‌టాప్ రన్‌వే అనేది సాధారణంగా పీఠభూమి లేదా కొండపై ఉండే రన్‌వే. ఈ రన్‌వేకి ఒకటి లేదా రెండు వైపులా లోతైన గుంట ఉంది. టేబుల్‌టాప్ రన్‌వేపై విమానాన్ని ల్యాండ్ చేయడం చాలా కష్టం. ప్రపంచవ్యాప్తంగా ఇలాంటి టేబుల్‌టాప్ ఎయిర్‌పోర్ట్ రన్‌వేలు చాలా ఉన్నాయి. వీటి గురించి చెప్పాలంటే..

(Lengpui) విమానాశ్రయం

మిజోరంలో రెండవ ప్రపంచ యుద్ధానికి ముందు నిర్మించిన విమానాశ్రయం లెంగ్‌పుయ్ విమానాశ్రయం. దీని రన్‌వే పరిమాణం 2500 మీటర్లు. ఈ విమానాశ్రయాన్ని మిత్ర దేశాల బలగాలు నిర్మించాయి. ఇది టేబుల్‌టాప్ విమానాశ్రయం. దీనికి ఇరువైపులా లోయలు ఉన్నాయి. ఈ విమానాశ్రయ రన్‌వేలో నీటి ప్రవాహాలున్నాయి. ఒక్కోసారి వర్షాల సమయంలో ఈ విమానాశ్రయం చాలా ప్రమాదకరంగా మారుతుంది.

(Leh Airport) లేహ్ విమానాశ్రయం

జమ్మూ కాశ్మీర్‌లోని లేహ్‌లో టేబుల్‌టాప్ విమానాశ్రయం ఉంది. ఈ విమానాశ్రయం ఎయిర్ స్ట్రిప్ 3259 మీటర్ల ఎత్తులో ఉంది. దీనిలో విమానాన్ని ల్యాండ్ చేయడం చాలా కష్టం. దీని రన్‌వే చుట్టూ పర్వతాలు, మంచు కనిపిస్తుంది. కుషోల్ బకులా రింపోచి విమానాశ్రయం అత్యంత ఎత్తులో ఉండటం కూడా అందరి దృష్టినీ ఆకర్షిస్తుంది.

Mangalore Airport

మంగళూరు విమానాశ్రయం కూడా ఒక టేబుల్‌టాప్ విమానాశ్రయం. మే 2010లో ఇక్కడ ఒక పెద్ద ప్రమాదం జరిగింది. ఈ ప్రమాదంలో, ఒక ఎయిర్ ఇండియా విమానం టేబుల్ టాప్ రన్‌వేను అధిగమించి.., కొండపై నుంచి కింద పడటంతో విమానం మంటల్లో చిక్కుకుంది. విమానంలో ఉన్న 166 మందిలో 8 మంది మాత్రమే ప్రమాదం నుంచి బయటపడ్డారు. ఈ ప్రమాదానికి పైలట్ తప్పిదమే కారణమని తెలిపారు.

Kozhikode Airport

కేరళలో కూడా చాలా ప్రమాదకర విమానాశ్రయం ఉంది. దాని పేరు కోజికోడ్ విమానాశ్రయం. ఇది కూడా టేబుల్‌టాప్ ఎయిర్‌పోర్ట్ రన్‌వే. ఇక్కడ భారీ విమాన ప్రమాదం జరిగింది. వాస్తవానికి, ఎయిర్ ఇండియా విమానం ల్యాండింగ్ సమయంలో రన్‌వే నుండి జారిపోయింది. దీంతో విమానం రెండు భాగాలుగా విడిపోయింది. విమానం దుబాయ్‌ నుంచి కాలికట్‌కు వస్తోంది. ఈ ప్రమాదంలో పెద్ద సంఖ్యలో ప్రజలు చనిపోయారు.

ఇది కూడా చదవండి: జిమ్‌లో వర్కవుట్స్ చేసేటప్పుడు.. ఈ 5 లక్షణాల్లో ఏ ఒక్కటి కనిపించినా..!

Gaggal Airport

గగ్గల్ విమానాశ్రయం రన్‌వే కూడా ప్రమాదకరమైన విమానాశ్రయ రన్‌వే నే. గగ్గల్ విమానాశ్రయం హిమాచల్ ప్రదేశ్‌లోని కాంగ్రాలో ఉంది. ఈ విమానాశ్రయాన్ని 1200 ఎకరాల్లో నిర్మించారు. దీని రన్‌వే 2492 అడుగుల ఎత్తులో ఉంది. ఈ రన్‌వేపై విమానాన్ని దించే సమయంలో పైలట్ చాలా జాగ్రత్తగా ఉండాలి.

Lakshadweep Airport

లక్షద్వీప్ విమానాశ్రయం చాలా అందమైన విమానాశ్రయం. అందంగా కనిపించడమే కాకుండా ప్రమాదకరం కూడా. ఈ విమానాశ్రయాన్ని సముద్రం మధ్యలో నిర్మించారు. ఇక్కడ ఎగురుతున్నప్పుడు విమాన దృశ్యం చాలా అందంగా కనిపిస్తుంది.