Viral: కూతురి బర్త్‌డే సెలబ్రేట్ చేయాలంటే లక్షలే ఉండనక్కర్లేదు.. ఆ పేద ఆటోడ్రైవర్ చేసిన పని ఐయేఎస్‌ను ఆకట్టుకుంది..

ప్రతి ఒక్కరూ తమ పిల్లల బర్త్‌డేలను గ్రాండ్‌గా సెలబ్రేట్ (Birthday Celebrations) చేయాలనుకుంటారు. ధనవంతులైతే లక్షలు ఖర్చు పెట్టి మరీ తమ పిల్లల బర్త్‌డేలను ఓ పండగలా జరుపుతారు. అయితే అందరికీ ఆ స్తోమత ఉండదు. తమ స్థాయిలో ప్రతి ఒక్కరూ ఎంతో కొంత ఖర్చు చేసి పిల్లలకు పుట్టిన రోజు నాడు సంతోషాన్ని అందిస్తారు. అయితే ప్రేమను వ్యక్తీకరించే మనసు ఉండాలే కానీ, డబ్బు అక్కర్లేదని నిరూపించాడు ఓ వ్యక్తి. నిజమైన సంతోషం, ఆనందం డబ్బులో ఉండదని తేల్చి చెప్పాడు (Viral Tweet).

ఐఎఎస్ అధికారి అవనీష్ శరణ్ ట్విటర్‌లో ఓ ఫొటోను షేర్ చేశారు. ఆ ఫొటోకు క్యాప్షన్‌గా ``ఒక వ్యక్తి జేబు పెద్దగా ఉండనక్కర్లేదు.. హృదయం విశాలంగా ఉంటే చాలు. హ్యాపీ బర్త్ డే అర్పిత`` అని కామెంట్ చేశారు. ఆ ఫొటోలో ఓ ఆటో (Auto)పై పేపర్ అంటించి ఉంది. ఆ పేపర్‌పై ``ఈ రోజు (11-8-2023) నా కుమార్తె అర్పితా రాణి జన్మదినోత్సవం. ఈ శుభ సమయంలో నా ఆటో ఎక్కిన వారిని ఉచితంగా తీసుకెళ్తాను. డబ్బులు చెల్లించాల్సిన పని లేదు. పుట్టిన రోజు శుభాకాంక్షలు అర్పిత`` అని రాసి ఉంది.

Viral Video: ఛీ.. అలా ఎలా తింటున్నావమ్మా? టమాటా చట్నీతో బొద్దింకలను తింటున్న యువతి.. నెటిజన్ల రియాక్షన్స్ ఏంటంటే..

ఆగస్టు 13వ తేదీన పోస్ట్ అయిన ఈ ట్వీట్ (Viral Tweet) సోషల్ మీడియాలో వైరల్‌గా మారింది. ఈ పోస్ట్‌ను ఇప్పటివరకు 4.4 లక్షల మందికి పైగా వీక్షించారు. 21 వేల మందికి పైగా లైక్ చేశారు. ఈ పోస్ట్‌పై నెటిజన్లు ఎమోషనల్‌గా స్పందిస్తున్నారు. ``హ్యాపీ బర్త్ డే అర్పిత. నీకు గొప్ప తండ్రి ఉన్నాడు``, ``ఇంత కంటే గొప్ప బర్త్ డే గిఫ్ట్ ఏముంటుంది``,``ఎన్ని లక్షలు ఖర్చుపెట్టినా ఇంత సంతోషం రాదు`` అంటూ నెటిజన్లు కామెంట్లు చేస్తున్నారు.