ఈమధ్య కాలంలో బ్యాంకుల్లో రూ2000 నోట్లను మార్చుకునే హడావుడి కాస్త ఎక్కువగానే ఉంది. 2,000 నోటును ఉపసంహరించుకోవాలని రిజర్వ్ బ్యాంక్ ఆఫ్ ఇండియా (ఆర్‌బిఐ) నిర్ణయించినప్పటి నుండి, నోటును మార్చుకోవడానికి ప్రజలు నిరంతరం బ్యాంకుకు చేరుకుంటున్నారు. దీనికోసం బ్యాంకు పనివేళల్లో చేరుకుని లైన్లలో నిలబడి, రోజులో సగభాగం ఖర్చుచేస్తేనే కానీ పని కావడంలేదు. దీనికోసం బ్యాంకుకు వెళ్లకూడదనుకుంటే, ఇంట్లో కూర్చొని ఈ కామర్స్ అమెజాన్ నుండి మీ నోట్లను మార్చుకోవచ్చు. ప్రజల సౌకర్యార్థం 'అమెజాన్ పే క్యాష్ లోడ్ సిస్టమ్'(Amazon Pay Cash Load System) ప్రారంభించబడింది. దీనితో, ఇంటి నుండి ప్రతి నెలా రూ.50,000 వరకు నగదును మార్చుకోవచ్చు. అది ఎలాగో తెలుసుకుందాం..

అమెజాన్ నుండి 2000 నోటును తిరిగి పొందడం ఎలా?

2000 నోట్లను తీసుకునే బదులు, 'Amazon Pay Wallet'లో అమెజాన్ ఆన్‌లైన్ డబ్బును ఇస్తుంది. అంటే అమెజాన్ నగదు ఇవ్వదు. Amazon Payకి వెళ్లి ఈ డబ్బుతో షాపింగ్ కూడా చేసుకోవచ్చు. షాపింగ్ చేయకూడదనుకుంటే, ఈ డబ్బును బ్యాంక్ ఖాతాకు బదిలీ చేసుకోవచ్చు.

అమెజాన్‌లో 2000 నోట్లను ఎలా మార్చుకోవాలి.

1. అమెజాన్‌లో రూ. 2,000 నోటును మార్చుకోవడానికి, యాప్ నుండి కొన్ని వస్తువులను ఆర్డర్ చేయడానికి ముందుగా నగదును నమోదు చేయండి.

2. చెక్అవుట్ పద్దతి పూర్తయినప్పుడు 'క్యాష్ ఆన్ డెలివరీ' ఎంపికను ఎంచుకోవాలి.

ఇది కూడా చదవండి: యాలకులు ఒక్క కిలో ఏకంగా 3 వేల రూపాయల పైనే ఖరీదా..? అసలు ఎందుకు ఇంత రేటంటే..!

3. డెలివరీ ఏజెంట్ ఇంటికి వచ్చినప్పుడు, Amazon Pay బ్యాలెన్స్‌లో డబ్బు డిపాజిట్ చేయాలనుకుంటున్నారని అతనికి తెలియజేయండి.

4. ఏజెంట్‌కి డబ్బు ఇవ్వండి. డబ్బును చెక్ చేసిన తర్వాత, అతను అమెజాన్ పే వాలెట్‌కు డబ్బును మాన్యువల్‌గా బదిలీ చేస్తాడు.

5. లావాదేవీలు పూర్తయిన తర్వాత Amazon Pay బ్యాలెన్స్‌ని తనిఖీ చేయవచ్చు.

2000 నోట్లను ఎప్పటి వరకు మార్చవచ్చు?

2,000 నోట్లను మార్చడానికి RBI సెప్టెంబర్ 30, 2023 వరకు సమయం ఇచ్చింది. దీని తర్వాత పరిస్థితిని పరిశీలిస్తే, RBI ఈ గడువును కూడా పొడిగించవచ్చు. తేదీ మారకపోవచ్చు. అందుకే రెండు వేల నోట్లను ముందుగానే మార్చుకోండి.