Viral Video: పాపం ఆ బైకర్ అస్సలు ఊహించి ఉండడు.. రోడ్డుమీద ఓ మహిళ సడెన్ గా కారు డోర్ తీయగానే ఎంత పని జరిగిందంటే..
ABN , First Publish Date - 2023-10-22T09:46:33+05:30 IST
రహదారుల మీద చాలా జాగ్రత్తగా ఉండాలని చెబుతుంటారు.. కానీ ఓ మహిళ చేసిన చిన్న నిర్లక్ష్యపు పని ఎంత పెద్ద ప్రమాదం జరిగిందంటే..
రహదారులమీద ప్రయాణం చేసేటప్పుడు చాలా అప్రమత్తంగా ఉండాలని చెబుతుంటారు. అయితే ఎంత జాగ్రత్తగా ఉన్నా ఇతరుల పొరపాట్ల వల్ల ప్రమాదాలు జరిగిపోతుంటాయి. పాపం ఓ బైకర్ రద్దీ ట్రాఫిక్ లో వాహనాలను తప్పించుకుంటూ వస్తోంటే ఊహించని సంఘటన జరిగింది. అతను రోడ్డుకు ఒక పక్కగా పార్క్ చేసిన కారు డోరును ఓ మహిళ లోపలి నుండి సడెన్ గా తెరిచింది. దీంతో అక్కడ దారుణమైన సంఘటన చోటుచేసుకుంది. దీనికి సంబంధించిన వీడియో ఇప్పుడు సోషల్ మీడియాలో వైరల్ అవుతోంది. ఈ వీడియో చూసిన నెటిజన్లు షాకవుతున్నారు. దీనికి సంబంధించి పూర్తీ వివరాల్లోకి వెళితే..
ఒక్క చుక్క విషం చాలు ప్రాణాలు తీయడానికి అన్నట్టుగా.. చిన్న నిర్లక్ష్యం చాలు పెద్ద ప్రమాదాలు జరగడానికి. వీడియోలో రద్దీగా ఉన్న రహదారిలో ఒకవైపు కారులు పార్క్ చేయబడి ఉన్నాయి. మరొకవైపు ట్యాంకర్ ఒకటి ప్రయాణిస్తోంది. వీటి మధ్యలో ఒక వ్యక్తి జాగ్రత్తగా బైక్(bike) డ్రైవ్ చేసుకుంటూ ముందుకు రావడం కనిపిస్తుంది. అప్పుడే రహదారి పక్కన పార్క్ చేయబడిన కారులోనుండి ఓ మహిళ(Women) డోర్ తెరుస్తుంది. ఆ డోర్ తెరవడం, బైక్ ఆ కారు పక్కగా రావడం రెండూ ఒకేసారి జరగడంతో కారు డోర్ బైకర్ ను తాకింది. డోర్ తోపుకు ఆ బైకర్ ఒక్కసారిగా బైక్ నుండి ఎగిరిపడ్డాడు. అయితే అతను పక్కనే దూసుకువస్తున్న ట్యాంకర్ ను గుద్దుకుని దాని చక్రాల కిందక వెళ్లి పడ్డాడు. ఊహించని ఈ పరిణామానికి ట్యాంకర్ డ్రైవర్ ట్యాంకర్ ను వెంటనే ఆపేశారు. అయితే కారు గుద్దినా, ట్యాంకర్ కింద పడినా ఆ బైకర్ కు ఏమీ కాలేదు. అతను హెల్మెట్ ధరించి ఉండటంతో ఎలాంటి ప్రమాదం జరగలేదు. ట్యాంకర్ ఆగిన కొన్ని క్షణాలకే అతను భయం భయంగా ట్యాంకర్ ముందు భాగం నుండి తలబయటకు పెట్టి బయటకు రావడం కనిపిస్తుంది. స్థానికంగా ఏర్పాటుచేసిన సీసీకెమెరాలో(CC Camera) ఈ సంఘటన మొత్తం రికార్డు కావడంతో ఇది ఇప్పుడు వైరల్ అవుతోంది.
Viral Video: రోజూ ఏదో కుడుతున్నట్లు ఉన్నా మొదట అనుమానం రాలేదు.. చివరకు ఓ రోజు ఇంటి సీలింగ్ బద్ధలుకొట్టి చూస్తే..
ఈ వీడియోను CCTV IDIOTS అనే ట్విట్టర్ ఎక్స్(Twitter X) అకౌంట్ నుండి షేర్ చేశారు. ఒక మహిళ నిర్లక్ష్యం ఓ వ్యక్తి ప్రాణాలను ప్రమాదంలో పడేసింది అనే క్యాప్షన్ మెన్షన్ చేశారు. ఈ వీడియో చూసిన నెటిజన్లు షాకవుతున్నారు. పలువిధాలుగా కామెంట్ చేస్తున్నారు. 'ఈ ప్రపంచంలో అతనికంటే పెద్ద అదృష్టవంతుడు ఇంకెవరూ ఉండరు. ఎంత పెద్ద ప్రమాదం నుండి బయటపడ్డాడో' అని ఒకరు కామెంట్ చేశారు. 'రహదారుల మీద కారు డోర్లు వేసేటప్పుడు, తీసేటప్పుడు చాలా జాగ్రత్తగా చూసుకోవాలి. లేకపోతే ఇలాంటి ప్రమాదాలే జరుగుతాయి' అని మరొకరు కామెంట్ చేశారు. 'అతని శరీరంలో స్ప్రింగ్ లు ఏమైనా ఉన్నాయా? అసలు అంత ప్రమాదం జరిగినా అతనికి ఏమీ కాలేదేంటి? ఇది పెద్ద మిరాకిల్' అని ఇంకొకరు అన్నారు.
