Viral Video: వావ్ దీనికి భలే ట్రైనింగ్ ఇచ్చారే.. యజమాని చెయ్యి చాపగానే ఈ ఊడత ఏం చేసిందో మీరే చూడండి!

పక్షులు, జంతువులకు సంబంధించిన వీడియోస్ ఎప్పుడూ ఆహ్లాదంగానూ, నవ్వించేలానూ ఉంటాయి. మరీ ముఖ్యంగా పెంపుడు జంతువుల ప్రవర్తన ఒక్కోసారి ఆశ్చర్యానికి గురిచేస్తూ ఉంటుంది. యజమానులు ఏదైనా నేర్పిస్తే ఇట్టే నేర్చుకుంటాయవి. ఈ ఉడుతను చూస్తే పెంపుడు జంతువులు యజమానులను ఎంతగా నమ్ముతాయో అర్థమవుతోంది. యజమాని చెయ్యి చాపగానే ఈ ఉడుత చేసి పని చూసి 'వావ్.. దీనికి భలే ట్రైనింగ్ ఇచ్చారే' అంటున్నారు నెటిజన్లు.. క్యూట్ గా ఉన్న ఈ ఉడుత ఇప్పుడు సోషల్ మీడియాలో సెలబ్రిటీగా మారిపోయింది. దీనికి సంబంధించి పూర్తీ వివరాల్లోకి వెళితే..

పెంపుడు జంతువులు(pets) యజమానులు చెప్పే విషయాల్ని చాలా బాగా అర్థం చేసుకుంటాయి. యజమానులు చెప్పినట్టు చేస్తాయి. మనం కుక్కల్ని, పిల్లుల్ని(cats, dogs) పెంచుకున్నట్టు విదేశాల్లో ఎలుకల్ని, ఉడుతల్ని(rats, squirrels) పెంచుకుంటారు. అలాగే అమ్మాయి ఎగిరే ఉడుతను(Flying squirrels) పెంచుకుంది. ఆ ఉడుత మహా చురుగ్గా తన యజమాని చెప్పనవన్నీ బుద్దిగా నేర్చుకుంది. ఎంతగా అంటే యజమాని చెయ్యి చాపగానే దూరంగా బల్ల మీద ఉన్న ఉడుత గాల్లో ఎగిరి మరీ అమ్మాయి చేతిలో ఒదిగిపోయింది. ఆశ్చర్యంగా అనిపిస్తుంది కానీ నిజమండీ బాబూ.. వీడియోలో ఎగిరే ఉడుత ఎత్తుగా అడ్డంగా నిలబెట్టిన పెద్ద వెదురు కర్ర(bamboo stick) మీద ఉంది. దానికి దూరంగా కింద దాన్ని పెంచుకుంటున్న అమ్మాయి నిలబడుకుని ఉంది. అమ్మాయి అరచెయ్యి చాపగానే.. ఆ ఉడుత చకాచకా నడుచుకుంటూ ముందుకు వచ్చి ఆమె చెయ్యి ఉన్న పొజీషన్ కు తను కరెక్ట్ గా ఉన్నానా లేదా అని చూసుకుని ఒక్కసారిగా గాల్లోకి ఎగిరింది. ఆ ఉడుత ఎగరడం నేరుగా అమ్మాయి అరచేతిలోకి వచ్చి పడింది. అది ఎంతో హాయిగా ఆమె అరచేతిని కౌగిలించుకుంది ఆ సమయంలో, దాని ముఖంలో ఎక్స్ప్రెషన్స్ చూస్తే నిజంగా చాలా క్యూట్ గా అనిపిస్తుంది.

ఈ వీడియోను Nature is Amazing అనే ట్విట్టర్ అకౌంట్ నుండి షేర్ చేశారు. The landing అనే క్యాప్షన్ ను మెన్షన్ చేశారు. ఈ వీడియో చూసిన నెటిజన్లు ఉడుత చేసిన స్టంట్ కు ఫిదా అవుతున్నారు. 'వావ్ దీనికి భలే ట్రైనింగ్ ఇచ్చారే.. ఎంత చక్కగా ఎగిరి తన యజమాని చేతిలో ల్యాండ్ అయిందో' అని అంటున్నారు. 'యజమాని మీద ఎంత నమ్మకం లేకపోతే అది అలా చేస్తుంది' అని మరికొందరు అన్నారు. 'దాని ఫేస్ ఎక్స్ప్రెషన్ చూశారా భలే క్యూట్ గా ఉంది' అన మరికొందరు కామెంట్ చేశారు. మొత్తానికి ఎగిరే ఉడుత ఇప్పుడు ఓ రేంజ్ సెలబ్రిటీ గా మారిపోయింది.