Viral Video: మూన్ వాక్ కాదు.. స్కై వాక్.. ఆకాశంలో ఈ యువతి సాహసం చూస్తే అవాక్కవుతారు!
ABN , Publish Date - Dec 29 , 2023 | 11:50 AM
హీరోలు మూన్ వాక్ చేసి ఫ్యాన్స్ మనసులు కొల్లగొడుతుంటారు. కానీ ఈ యువతి ఆకాశంలో చేసిన సాహసం చూస్తే..
మూన్ వాక్.. పాప్ స్టార్ మైకెల్ జాక్సన్ తో చాలా పాపులర్ అయింది. ఎంతోమంది హీరోలు దీన్ని డాన్స్ లో భాగంగా చేస్తూ ఫ్యాన్స్ మనసు దోచేస్తుంటారు. కానీ ఈ యువతి మాత్రం చాలా ప్రత్యేకం. ఈమె ఏకంగా ఆకాశంలో చేసిన సాహసం అందరినీ ఆశ్చర్యపరుస్తోంది. దీనికి సంబంధించిన వీడియో ఇప్పుడు సోషల్ మీడియాలో వైరల్ అవుతోంది. ఈ వీడియో చూసిన నెటిజన్లు ఈ యువతి ట్యాలెంట్ కు అవాక్కవుతున్నారు. 'వావ్ మూన్ వాక్ కు ధీటుగా స్కై వాక్' అంటూ కామెంట్స్ చేస్తున్నారు. దీని గురించి పూర్తీగా తెలుసుకుంటే..
ప్రజలు విభిన్న రకాల ట్యాలెంట్ కలిగి ఉంటారు. సాహసంతో కూడిన ప్రతిభ అందరినీ విభ్రాంతికి గురిచేస్తుంది. స్కై డైవింగ్ అంటేనే భయపడేవారు చాలా మంది ఉంటారు. కానీ ఈ యువతి మాత్రం స్కై డైవింగ్ ను చాలా ఎంజాయ్ చేస్తున్నట్టుంది. ఆకాశంలో ఈమె చేసిన స్టంట్ నిజంగా ఆశ్చర్యచకితుల్ని చేస్తుంది. వీడియోలో 23ఏళ్ల కుజన్స్కా అనే యువతి స్కై డైవింగ్ చేస్తుండటం చూడచ్చు. సాధారణంగా స్కై డైవింగ్ చేసేటప్పుడు శరీరం బ్యాలెన్స్ గా ఉండదు. గాలిలో ఎగిరిపోతూ ఉంటుంది. కానీ కుజిన్స్కా మాత్రం అద్భుతం చేసింది. ఈమె స్కై డైవింగ్ చేస్తూ ఆకాశంలో కుదురుగా నిలబడటమే కాకుండా ఏకంగా మేఘాల మీద వాకింగ్ చేసింది(women sky walk). మొదట ఈమె మూన్ వాక్ చేస్తున్నట్టు కనిపిస్తుంది. ఆ తరువాత మెట్లు ఎక్కుతున్నట్టు నటిస్తూ మేఘాలమీద నడుస్తుంది. ఆ తరువాత వాకింగ్ పొజిషన్ నుండి జిమ్నాస్టిక్ కు మారుతుంది. వృత్తాకారంగా రౌండ్ కొడుతుంది. మళ్లీ మూన్ వాక్ చేస్తూ డాన్స్ స్టిల్స్ ఇస్తుంది. ఈమె స్కై డైవింగ్ చేస్తున్న తీరు చూస్తే తను చాలా ఎంజాయ్ చేస్తున్నట్టు అనిపిస్తుంది.
ఇది కూడా చదవండి: రోజూ ఓ 10నిమిషాలు బ్రిస్క్ వాక్ చేస్తే కలిగే లాభాల లిస్ట్ ఇదీ..!
ఈ వీడియోను Science అనే ట్విట్టర్ ఎక్స్(Twitter X) అకౌంట్ నుండి షేర్ చేశారు. స్కై వాకింగ్ అద్భుతం అనే క్యాప్షన్ ను ఈ వీడియోకు మెన్షన్ చేశారు. ఈ వీడియో చూసిన నెటిజన్లు కూడా షాకవుతున్నారు. పలురకాలుగా కామెంట్ చేస్తున్నారు. 'అసలు ఇదెలా సాధ్యమవుతుంది?దీని గురించి ఎవరైనా ఎక్స్ప్లైన్ చేస్తారా?' అని ఒకరు కామెంట్ చేశారు. 'ఆమె ట్యాలెంట్ మామూలుగా లేదు. సాహసంతో కూడిన ప్రతిభ అద్భుతం' అని మరొకరు కామెంట్ చేశారు. 'సినిమాలో సీన్ లా అనిపిస్తోంది. ఆమె స్కైవాకింగ్ లో చాలా ఎక్స్ఫర్ట్' అని మరొకరు అన్నారు.
ఇది కూడా చదవండి: ఇవి అలవాటు చేసుకుంటే.. కొత్త ఏడాదిలో మీరే కింగ్..!
