Viral Video: మీరు మూరీ మిక్చర్ ఎక్కువగా తింటుంటారా? మూరీలను ఎలా తయారు చేస్తున్నారో చూస్తే ఇకపై తినరేమో!

మరమరాల (Murmur)తో తయారు చేసిన స్నాక్స్‌ (Snacks)ను తినేందుకు చాలా మంది ఇష్టపడతారు. ముఖ్యంగా చాలా చోట్ల మూరీలతో మిక్చర్ చేసి అమ్ముతుంటారు. ఉత్తరాదిన బేల్‌పురి (Bhelpuri) పేరుతో మూరీలతో మిక్చర్ తయారు చేస్తారు. ఈ స్నాక్‌ను చాలా మంది ఇష్టపడతారు. ఇది మాత్రమే కాకుండా చాలా ఆహార పదార్థాల తయారీలో మూరీలను వాడుతుంటారు. అయితే ఈ మూరీలను ఎలా తయారు చేస్తారో తెలుసా? ప్రస్తుతం వైరల్ అవుతున్న ఓ వీడియో (Viral Video) చూస్తే షాక్ అవక తప్పదు.

foodie_incarnate అనే ఇన్‌స్టాగ్రామ్ హ్యాండిల్‌లో ఈ వీడియో (Shocking Video) షేర్ అయింది. ఓ ఫ్యాక్టరీలో బియ్యం నుంచి మరమరాలను (Puffed Rice) తయారు చేస్తున్నారు. ఓ వ్యక్తి కాలితో ఆ బియ్యాన్ని తొక్కుతున్నాడు. మరో వ్యక్తి అపరిశుభ్రమైన నీటితో ఆ బియ్యాన్ని కడుగుతున్నాడు. ఆ మరమరాలు తయారు చేసే ప్రాసెస్ మొత్తం చాలా మురికిగా, అపరిశుభ్రంగా ఉంది. ఈ వీడియో చూసిన తర్వాత మరమరాలతో తయారు చేసిన ఆహారాన్ని తినాలంటే ఆలోచించుకోవాల్సిందే (Food and Health).

Viral Video: ఇదెక్కడి పైత్యం రా బాబూ.. మద్యంతో టీ ఏంటి? అతడికి గిరాకీ ఎలా ఉందో చూడండి..

ఇది పాత వీడియోనే అయినప్పటికీ మళ్లీ ప్రస్తుతం వైరల్ అవుతోంది. ఈ వీడియోకు కోట్లలో వ్యూస్ వచ్చాయి. దాదాపు 17 లక్షల మంది ఈ వీడియోను లైక్ చేశారు. ఈ వీడియోపై నెటిజన్లు తమదైన శైలిలో స్పందించారు. ``అబ్బా.. ఎంత అపరిశుభ్రంగా ఉంది``, ``ఇకపై బేల్‌పురీ తినలేను``, ``చాలా స్నాక్స్‌ను ఇలాగే తయారు చేస్తారు`` అంటూ నెటిజన్లు కామెంట్లు చేశారు.