Dog vs Deer: జింక మెడను పట్టేసిన కుక్క.. ఎంత పోరాడినా పట్టువిడవని శునకం.. చివరకు ఏం జరిగిందో మీరే చూడండి..!

అడవిలో (Forest) నివసించే క్రూర జంతువులు (Wild Animals) ఆహారం కోసం మరో జంతువును వేటాడతాయనే విషయం తెలిసిందే. ఒక జంతువు ఆహారం కోసం మరో జంతువును చంపడం అనేది ఆటవిక నియమం. ప్రస్తుతం వైరల్ అవుతున్న ఓ వీడియో (Viral Video)లో ఓ అడవి కుక్క, జింక (Dog vs Deer) మధ్య భీకర పోరాటం జరిగింది. అడవి కుక్క నుంచి తప్పించుకునేందుకు జింక అద్భుతంగా పోరాడింది. సఫారీ టూర్‌కు వెళ్లిన పర్యాటకులు ఆ ఘటనను చిత్రీకరించారు. ఆ వీడియో సోషల్ మీడియాలో వైరల్‌గా మారింది.

వైరల్ అవుతున్న ఆ వీడియోలో ఓ జింకను (Deer) అడవి కుక్క (Wild Dog) వేటాడుతోంది. దానిని చంపి తినేందుకు ప్రయత్నించింది. జింక ఆ కుక్క నుంచి తప్పించుకుని నీటి కొలనులోకి వెళ్లేందుకు ప్రయత్నించింది. అయితే ఆ కుక్క.. జింక కాలును పట్టుకుని బయటకు లాగింది. ఆ తర్వాత ఆ జింక గొంతు పట్టుకుంది. ఆ కుక్క నుంచి విడిపించుకునేందుకు కుక్క ఎంతగానో ప్రయత్నించింది. అయినా కుక్క పట్టు విడవలేదు. చివరకు జింక మెల్లిగా కుక్కను నీటిలోకి తీసుకెళ్లిపోయింది. దీంతో మునుగిపోతున్న ఆ కుక్క.. జింకను వదిలేసి ఒడ్డుకు వెళ్లిపోయింది (Hunting Videos).

యూట్యూబ్‌ (Youtube)లో షేర్ అయిన ఈ వీడియో సోషల్ మీడియాలో వైరల్‌గా మారింది. ఇప్పటివరకు ఈ వీడియోను 6.5 లక్షల మంది వీక్షించారు. ఈ వీడియోపై నెటిజన్లు తమదైన శైలిలో స్పందించారు. ``జింక పోరాటం అద్భుతం``, ``అడవి కుక్కలు గుంపులుగా ఉంటాయి. ఆ గుంపునకు దొరికితే ప్రాణాలు పోయినట్టే`` అని నెటిజన్లు కామెంట్లు చేశారు. ఈ వీడియోను ఆఫ్రికాలో చిత్రీకరించినట్టు తెలుస్తోంది (Jungle Videos).