శీతాకోక చిలుక లేలేత రెక్కల స్ఫూర్తితో అత్యంత తేలికైన పెయింటింగ్.. దీనితో ఇంకెన్ని ప్రయోజనాలున్నాయో తెలిస్తే...

శాస్త్రవేత్తలు అత్యంత తేలికగా ఉండే పెయింట్‌(Paint)ను సిద్ధం చేశారు. బోయింగ్ 747 విమానం పెయింట్ చేయడానికి దాదాపు 454 కిలోల పెయింట్ అవసరం. అయితే నూతనంగా తయారు చేసిన పెయింట్‌తో ఈ విమానాన్ని(plane) కేవలం 1.36 కిలోల పెయింట్‌తో పెయింట్ చేయవచ్చు. ఈ పెయింట్ అనేక శతాబ్దాల పాటు నిలిచివుంటుందని, శక్తిని ఆదా చేయడంలో కూడా ఉపయోగపడుతుందని దీనిని తయారు చేసిన శాస్త్రవేత్తలు(Scientists) తెలిపారు.

సీతాకోక చిలుక రెక్కల రంగుల స్ఫూర్తితో ఈ పెయింట్‌ను తయారు చేశామని, ఈ ప్రత్యేక పెయింట్‌లో రంగులకు బదులుగా పిగ్మెంట్‌(Pigment)లను ఉపయోగించామని శాస్త్రవేత్తలు తెలిపారు. దీనిని తయారు చేసిన శాస్త్రవేత్తలు దీనికి ప్లాస్మోనిక్ పెయింట్(Plasmonic paint) అని పేరు పెట్టారు. కాగా ఈ పెయింట్ ల్యాబ్‌లో తయారయ్యింది. దీనిని పెద్ద ఎత్తున తయారు చేయడానికి మరింత సమయం పట్టవచ్చు. ఈ పెయింట్ అన్ని రకాల ఇన్ఫ్రారెడ్ స్పెక్ట్రం(Infrared spectrum)ను ప్రతిబింబిస్తుంది.

దీని నుండి తక్కువ గ్రీన్హౌస్ వాయువులు విడుదలవుతాయి. ఇది సాధారణ పెయింట్ కంటే 13 నుండి 16 డిగ్రీల సెల్సియస్‌తో చల్లగా ఉంటుంది. శాస్త్రవేత్తలు అనేక రంగులలో దీనిని సిద్ధం చేశారు. దాని ఉత్పత్తి సాంకేతికతకు(technology) ఎక్కువ ప్రాధాన్యతనిస్తున్నారు. యూనివర్సిటీ ఆఫ్ సెంట్రల్ ఫ్లోరిడా(University of Central Florida)కు చెందిన నానో సైంటిస్ట్ దేబాశిష్ చందా(Scientist Debashish Chanda) ఈ పెయింట్‌ను తయారు చేశారు. అమెరికాలో మొత్తం విద్యుత్ వినియోగంలో 10 శాతం ఎయిర్ కండీషనర్లకే ఖర్చు అవుతుందని ఆయన చెప్పారు.

ఎలక్ట్రానిక్(Electronic) పరికరాలను ఈ పెయింట్‌తో పెయింట్ చేస్తే ఇంధనాన్ని ఆదా చేయవచ్చన్నారు. ప్రస్తుతం వాణిజ్య పెయింట్‌లో ఉపయోగించే వర్ణద్రవ్యం(pigment) కృత్రిమంగా సంశ్లేషణ చేయడం ద్వారా తయారవుతుంది. కానీ ఈ నూతన పెయింట్‌లో వర్ణద్రవ్యంలోని ప్రతి కణానికి ఎలక్ట్రానిక్ గుణం(electronic quality) ఉంటుంది. ఫలితంగా అది వేడిని, కాంతిని గ్రహిస్తుంది. ప్లాస్మోనిక్ పెయింట్ చాలా తేలికగా ఉంటుంది. దీని మందం 150 నానోమీటర్లు(Nanometers) మాత్రమే. ఈ మందంతోనే అది పూర్తి రంగును అందిస్తుంది.