WPL 2023: ఎల్లిస్ పెర్రీ పుణ్యమా అని.. ఓ మోస్తరు స్కోరు చేసిన బెంగళూరు

ముంబై: రాయల్ చాలెంజర్స్ బెంగళూరు(Royal Challengers Bangalore) జట్టు మరోమారు తడబడింది. ఢిల్లీ కేపిటల్స్‌(Delhi Capitals)తో జరిగిన మ్యాచ్‌లో నిర్ణీత 20 ఓవర్లలో నాలుగు వికెట్ల నష్టానికి 150 పరుగులు చేసింది. టాస్ ఓడి బ్యాటింగ్ ప్రారంభించిన ఆర్సీబీ(RCB) తొలుత తడబడినా ఆ తర్వాత కుదురుకుంది.

కెప్టెన్ స్మృతి మంధాన(Smriti Mandhana) మరోమారు నిరాశ పరిచినప్పటికీ ఎల్లిస్ పెర్రీ చెలరేగి స్కోరు బోర్డును పరుగులు పెట్టించింది. మైదానంలో బౌండరీల వాన కురిపించింది. 52 బంతుల్లో 4 ఫోర్లు, 5 సిక్సర్లతో 67 పరుగులు చేసి నాటౌట్‌గా నిలిచింది. సోఫీ డివైన్ 21, వికెట్ కీపర్ రిచా ఘోష్ 37 పరుగులు చేశారు. ఢిల్లీ బౌలర్లలో శిఖా పాండే 3 వికెట్లు తీసుకుంది.

ఈ మ్యాచ్‌‌లో ఆర్సీబీ విజయం సాధించాలంటే బలమైన ఢిల్లీ బ్యాటింగ్ లైనప్‌ను నిలువరించాల్సి ఉంటుంది. కాబట్టి భారమంతా ఇక బౌలర్లదే.