Gujarat vs Mumbai: చెలరేగిన గుజరాత్ బ్యాట్స్‌మెన్.. ముంబై ఎదుట భారీ టార్గెట్!

అహ్మదాబాద్: ఓపెనర్ శుభ్‌మన్ గిల్‌కు తోడు డేవిడ్ మిల్లర్, అభినవ్ మనోహర్‌లు రాణించడంతో ముంబై ఇండియన్స్‌పై మ్యాచ్‌లో గుజరాత్ టైటాన్స్ (Gujarat Titans vs Mumbai Indians) భారీ స్కోరు నమోదు చేసింది. నిర్ణీత 20 ఓవర్లలో 6 వికెట్ల నష్టానికి 207 పరుగులు చేసింది. ముం బై బౌలర్లు కీలక సమయాల్లో వికెట్లు తీయగలిగినప్పటికీ పరుగులను మాత్రం నియంత్రించలేకపోయారు. వృద్ధిమాన్ సాహా (4), శుభ్‌మన్ గిల్ (56), హార్దిక్ పాండ్యా (13), విజయ్ శంకర్ (19), డేవిడ్ మిల్లర్ (46), అభినవ్ మనోహర్ (42), రాహుల్ తివాటియా (20 నాటౌట్), రషీద్ ఖాన్ (2 నాటౌట్) చొప్పున పరుగులు చేశారు.

ముంబై బౌలర్లలో అర్జున్ తెందుల్కర్ చాలా పొదుపుగా బౌలింగ్ చేశారు. 2 ఓవర్లు మాత్రమే వేసినప్పటికీ కేవలం 9 పరుగులు మాత్రమే ఇచ్చి 1 వికెట్ తీశాడు. ఇక పియూష్ చావ్లా 2 వికెట్లు, బెహ్రాండార్ఫ్, రీలే మెరిడిత్, కుమార్ కార్తికేయ ఒక్కో వికెట్ చొప్పున తీశారు.