TS News: బీజేపీ సభకు భారీగా ఏర్పాట్లు
ABN , First Publish Date - 2023-06-24T20:45:56+05:30 IST
జిల్లాలో పట్టు బిగించేందుకు భారతీయ జనతా పార్టీ క్రమంగా ప్రణాళికను రూపొందిస్తోంది. ఈ క్రమంలో ఆదివారం సాయంత్రం నాలుగు గంటలకు నాగర్‌కర్నూల్‌ జిల్లా కేంద్రంలోని
నాగర్‌కర్నూల్‌: జిల్లాలో పట్టు బిగించేందుకు భారతీయ జనతా పార్టీ క్రమంగా ప్రణాళికను రూపొందిస్తోంది. ఈ క్రమంలో ఆదివారం సాయంత్రం నాలుగు గంటలకు నాగర్‌కర్నూల్‌ జిల్లా కేంద్రంలోని జిల్లా పరిషత్‌ మైదానంలో నవసంకల్ప సభ నిర్వహించేందుకు ఏర్పాట్లు చేస్తున్నారు. బీజేపీ జాతీయ అధ్యక్షుడు జేపీ. నడ్డా పాల్గొనబోయే ఈ సభకు జిల్లాలోని అన్ని ప్రాంతాల నుంచి భారీ సంఖ్యలో జన సమీకరణ చేసేలా భారతీయ జనతా పార్టీ బూత్‌ కమిటీలకు దిశా నిర్దేశం చేశారు. కేంద్రంలో అధికారమే లక్ష్యంగా ప్రతీ పార్లమెంట్‌ నియోజకవర్గ కేంద్రంలో భారీ ఎత్తున సభలు నిర్వహిస్తున్న ఆ పార్టీ ఎస్సీ రిజర్వుడ్‌ ఎంపీ నియోజకవర్గ కేంద్రమైన నాగర్‌కర్నూల్‌పై కూడా దృష్టి సారించింది.
