TS Congress: కాసేపట్లో కాంగ్రెస్ ఎమ్మెల్యేల భేటీ.. సీఎల్పీ నేత ఎంపిక

హైదరాబాద్: తెలంగాణ ఎన్నికల్లో కాంగ్రెస్ ఘన విజయం సాధించింది. దీంతో ఈరాత్రే సీఎల్పీ నేత ఎన్నుకోవడం కోసం పీసీసీ చీఫ్ రేవంత్‌రెడ్డి సూచన మేరకు గెలిచిన ఎమ్మెల్యేలను గచ్చిబౌలిలోని హోటల్ ఎల్లాకి రావాల్సిందిగా పిలుపునిచ్చారు. ఇప్పటికే రేవంత్ రెడ్డి, కర్ణాటక డిప్యూటీ సీఎం డీకే.శివకుమార్ హోటల్‌కు చేరుకున్నారు. ఇక కాంగ్రెస్ ఎమ్మెల్యేలు కూడా వరుసగా ఈ సమావేశానికి హాజరవుతున్నారు. ఎమ్మెల్యేలంతా వచ్చాక సీఎల్పీ నేతను ఎన్నుకోనున్నారు. అనంతరం కాంగ్రెస్ ప్రభుత్వ ఏర్పాటుకు అవకాశం ఇవ్వాలని గవర్నర్‌ తమిళిసైను సీఎల్పీ బృందం కోరనుంది.

ఇక సోమవారం ప్రభుత్వాన్ని ఏర్పాటు చేయాలని కాంగ్రెస్ భావిస్తోంది. సీఎం ఎంపిక విషయంలో ఏఐసీసీ సూచన మేరకు తుది నిర్ణయం తీసుకోవాలని ఎమ్మెల్యేలు ఏకగ్రీవ తీర్మానం చేయనున్నారు. రేవంత్ సీఎంగా ఉంటే బాగుంటుందని మెజారిటీ ఎమ్మెల్యేలు సపోర్టు చేస్తున్నారు.