Divyavani: బంగారు తెలంగాణ కాంగ్రెస్‌‌తోనే సాధ్యం

హైదరాబాద్‌: బంగారు తెలంగాణ కాంగ్రెస్‌‌ ( Congress ) పార్టీతోనే సాధ్యమని.. తెలంగాణ అసెంబ్లీ ఎన్నికల్లో కాంగ్రెస్‌ను అత్యధిక మెజార్టీతో గెలిపించాలని సినీ నటి దివ్యవాణి ( Divyavani ) కోరారు. బుధవారం గాంధీభవన్‌లో దివ్యవాణి మీడియాతో మాట్లాడారు. ‘‘విజన్ కలిగిన టీడీపీ పార్టీ అధినేత చంద్రబాబు దగ్గర గతంలో పని చేయడం ఆనందంగా ఉంది. కొన్ని కారణాల వల్ల టీడీపీ నుంచి బయటికి వచ్చాను. నీతి, నిజాయతీగా ప్రజలకోసం పనిచేస్తున్న కాంగ్రెస్‌లో పనిచేయాలని ఈ పార్టీలో చేరాను. విజయశాంతి కూడా కాంగ్రెస్ పార్టీలో చేరారు. ప్రతి పేద వాడు బాగుపడాలంటే కాంగ్రెస్‌తోనే సాధ్యం. బంగారు తెలంగాణ కావాలంటే నియంత పాలకులను ఓడించి కాంగ్రెస్‌ను గెలిపించాలి. అహంకార ప్రభుత్వంలో బానిస బతుకుల నుంచి బయట పడేందుకు కాంగ్రెస్ రావాలి. ప్రజల భవిష్యత్తును కాపాడడం, దేశాన్ని కాపాడేది కాంగ్రెస్ మాత్రమే. కార్యకర్తగా తనకు ఏ పని అప్పగించినా బాధ్యతగా పనిచేస్తా. కాంగ్రెస్ మేనిఫెస్టో‌లో నచ్చిన అంశం ప్రగతి భవన్ కాదిది ప్రజాభవన్ అని ప్రకటించడం చాలా బాగుంది’’ అని దివ్యవాణి పేర్కొన్నారు.

మరిన్ని పోరు తెలంగాణ వార్తల కోసం ఇక్కడ క్లిక్ చేయండి