Somayazulu: స్వతంత్ర అభ్యర్థి మంచాల శ్రీకాంత్‌ను గెలిపించాలి

హైదరాబాద్: ఎల్బీనగర్ అసెంబ్లీ నియోజకవర్గంలో స్వతంత్ర అభ్యర్థి మంచాల శ్రీకాంత్‌ ( Manchala Srikanth ) ను గెలిపించాలని స్వతంత్ర అభ్యర్థుల ఫోరమ్ అధ్యక్షులు అయ్యల సోమయాజులు ( Somayazulu ) ప్రజలకు విజ్ఞప్తి చేశారు. గురువారం నాడు ఎల్బీ నగర్ అసెంబ్లీ నియోజకవర్గంలో ఎన్నికల ప్రచారం చేశారు. ఈ సందర్భంగా సోమయాజులు మీడియాతో మాట్లాడుతూ...‘‘ ఎమ్యెల్యే దేవిరెడ్డి సుధీర్‌రెడ్డి నియోజకవర్గంలో ప్రజాసమస్యలను పూర్తిగా విస్మరించారు. నియోజకవర్గంలో ప్రజలు కనీస సౌకర్యాలు లేక అనేక సమస్యలను ఎదుర్కుంటున్నారు. ప్రస్తుతం అసెంబ్లీ ఎన్నికల్లో 28 మంది స్వతంత్ర అభ్యర్థులుగా పోటీ చేస్తున్నాం. ఎల్బీనగర్ నియోజకవర్గం నుంచి అభివృద్ధిని కాంక్షిస్తూ తామందరం కలసి ఎల్బీనగర్ అసెంబ్లీ నియోజకవర్గ స్వతంత్ర అభ్యర్థుల ఫోరమ్‌గా ఏర్పడ్డాము. తమ ఉమ్మడి అభ్యర్థిగా మంచాల శ్రీకాంత్‌ను ఏకగ్రీవంగా ఎన్నుకున్నాం. మంచాల శ్రీకాంత్‌కు ఫూర్తి మద్దతు ఇచ్చి, ప్రచారాలు నిర్వహించి గెలిపించుకుంటాం’’ అని అయ్యల సోమయాజులు తెలిపారు. అనంతరం మంచాల శ్రీకాంత్‌ మాట్లాడుతూ..లోకల్ వ్యక్తిని గెలిపించుకుంటే ఈ నియోజకవర్గంలో ఉండే అన్ని సమస్యలు తీర్చగలను. తనను గెలిపిస్తే ఎల్లవేళలా ప్రజలకు అందుబాటులో ఉంటాను. తనను ఏకగ్రీవంగా ఎన్నుకున్నందుకు అభ్యర్థులకు మంచాల శ్రీకాంత్‌ ధన్యవాదాలు తెలిపారు.