TS Election: రేపు తెలంగాణలో యోగీ, నడ్డా ఎన్నికల ప్రచారం

హైదరాబాద్: రేపు తెలంగాణలో ఉత్తరప్రదేశ్ ముఖ్యమంత్రి యోగీ ఆదిత్యానాథ్ 9 Yogi Adityanath ) ఎన్నికల ప్రచారం చేయనున్నారు. ఈ మేరకు యోగీ షెడ్యూల్ ఖరారయింది.రేపు ఉదయం 11గంటలకు సిర్పూర్ నియోజకవర్గం, మధ్యాహ్నం ఒంటి గంటకు వేములవాడ నియోజకవర్గం, మధ్యాహ్నం 2.30 గంటలకు సనత్ నగర్ నియోజకవర్గం, సాయంత్రం 4గంటలకు గోషామహల్ నియోజకవర్గం, సాయంత్రం 4. 30 గంటలకు ధూల్ పేట్ లో కార్నర్ మీటింగ్‌లో యోగీ ఆదిత్యానాథ్ ఎన్నికల ప్రచారంలో పాల్గొంటారు.

రేపు జేపీ నడ్డా ఎన్నికల ప్రచారం..

రేపు తెలంగాణలో బీజేపీ జాతీయ అధ్యక్షుడు జేపీ నడ్డా ఎన్నికల ప్రచారంలో పాల్గొననున్నారు. రేపు మధ్యాహ్నం 2గంటలకు హుజూర్‌నగర్, సాయంత్రం 4గంటలకు సికింద్రాబాద్ నియోజకవర్గంలో రోడ్ షో, సాయంత్రం 6గంటలకు ముషీరాబాద్ నియోజకవర్గంలో బహిరంగ సభ, రేపు రాత్రి 7గంటలకు రాష్ట్ర బీజేపీ నేతలతో నడ్డా సమావేశం అవుతారు. ఈ సమావేశంలో అసెంబ్లీ ఎన్నికలపై బీజేపీ నేతలకు దిశానిర్దేశం చేయనున్నారు.