TS News: ఉత్తమ్ పార్టీ మారుతారన్న ప్రచారాలు అబద్ధం: భట్టి

హైదరాబాద్: ఎంపీ ఉత్తమ్‌కుమార్‌రెడ్డి (MP Uttam Kumar Reddy) పార్టీ మారుతారన్న ప్రచారాలు అబద్ధమని సీఎల్పీ నేత భట్టి విక్రమార్క (Bhatti Vikramarka) కొట్టిపారేశారు. పార్టీ కోసం కష్టపడిన ఉత్తమ్‌పై దుష్ప్రచారం చేయొద్దని హితవుపలికారు. బీఆర్‌ఎస్, బీజేపీ (BRS, BJP) రెండూ ఒక్కటేనని విమర్శించారు. బీఆర్‌ఎస్ నేతలు స్వప్రయోజనాల కోసం రాష్ట్రాన్ని పణంగా పెట్టారని దుయ్యబట్టారు. కాంగ్రెస్‌కు పిల్లర్‌లా ఉన్న నేతలపై తప్పుడు ప్రచారం చేస్తున్నారని, కాంగ్రెస్ కోటను కూల్చే ప్రయత్నం చేస్తున్నారని భట్టి విక్రమార్క మండిపడ్డారు. ఉత్తమ్‌కుమార్‌రెడ్డి కొన్ని రోజులుగా పార్టీ మారుతున్నట్లు ప్రచారం జరుగుతున్న విషయం తెలిసిందే.