Chikoti Praveen : కేసినో కింగ్ చికోటి ప్రవీణ్ ఇంటి దగ్గర రెక్కీ చేసి చోరీ.. సీసీటీవీ కెమెరాల్లో రికార్డ్ అయిన దృశ్యాలు.. అసలేం జరిగిందంటే..
ABN , First Publish Date - 2023-02-21T23:18:49+05:30 IST
క్యాసినో కింగ్ చికోటి ప్రవీణ్ కుమార్ (Chikoti Praveen Kumar) మరోసారి వార్తల్లో నిలిచారు. ఇప్పటి వరకూ ఆయన కేసినో వ్యవహారంలో వార్తల్లో నిలువగా..
క్యాసినో కింగ్ చికోటి ప్రవీణ్ కుమార్ (Chikoti Praveen Kumar) మరోసారి వార్తల్లో నిలిచారు. ఇప్పటి వరకూ ఆయన కేసినో వ్యవహారంలో వార్తల్లో నిలువగా.. ఇప్పుడు ఆయన ఇంట్లో జరిగిన చోరీతో ఆయన పేరు వార్తల్లో నిలిచింది. చీకోటి ఇంట్లో కారు (Car) చోరీ అయ్యింది. సైదాబాద్‌లోని (Saidabad) ఇంట్లో పార్కింగ్‌లో ఉన్న కారును గుర్తుతెలియని వ్యక్తులు ఇన్నోవా కారును దొంగలించారు. ఆయన ఇంటి దగ్గర రెక్కీ నిర్వహించి మరీ ఇన్నోవా కారు తాళాలు వెతికి ఇన్నోవాతో పరారయ్యారు. ఈ దొంగతనంపై సైదాబాద్ పీఎస్‌లో చికోటి ప్రవీణ్ పిర్యాదు చేశారు. అయితే.. కారు ఎత్తుకెళ్లే దృశ్యాలన్నీ సీసీటీవీ కెమెరాలో రికార్డ్ అయ్యాయి. ఈ ఘటన జరిగి రెండు మూడ్రోజులవ్వగా ఆలస్యంగా వెలుగుచూసింది. తన ఇంటిని రెక్కీ నిర్వహిస్తున వ్యక్తులను గుర్తించి పోలీసులు వెంటనే అరెస్ట్ చేయాలంటూ ప్రవీణ్ డిమాండ్ చేస్తున్నారు.
తనకు ప్రాణహాని ఉందని.. పోలీసు ప్రొటెక్షన్ కావాలని చాలా రోజులుగా ప్రభుత్వాన్ని ప్రవీణ్ అడుగుతున్నారు. తనతో పాటు కుటుంబానికి కూడా రక్షణ కావాలని గన్‌మెన్స్‌ (Gunmen) అడిగినా ఇవ్వట్లేదని చికోటి ప్రవీణ్ వాపోతున్నారు. గతంలో కూడా సైదాబాద్‌లో ప్రవీణ్ చికోటి ఇంటి సమీపంలో కొందరు గుర్తుతెలియని వ్యక్తులు రెక్కీ నిర్వహిస్తున్నట్లు కుటుంబ సభ్యులు గుర్తించారు. నాటి నుంచే తనకు ప్రాణహాని ఉందని చికోటి ప్రవీణ్ చెబుతున్నారు. మరోవైపు.. కుటుంబ సభ్యులకు రక్షణ కావాలని ప్రభుత్వాన్ని కోరినా పట్టించుకోవట్లేదని ఆయన అనుచరులు ఆరోపిస్తున్నారు. కాగా.. కేసినో వ్యవహారంలో ఈడీ ఎదుట రోజుల తరబడి విచారణకు హాజరైన చికోటి.. పలువురు రాజకీయ ప్రముఖులతో తనకున్న సంబంధాలను బయటపెట్టినట్లు అప్పట్లో వార్తలు వచ్చాయి. అప్పట్నుంచే ప్రాణహాని అంటూ ప్రవీణ్ చెబుతూ వస్తున్నారు.
