BRS MLC: నవీన్ కుమార్, దేశపతి శ్రీనివాస్, చల్లా వెంకట్రామిరెడ్డి ఏకగ్రీవం

హైదరాబాద్: తెలంగాణలో(Telangana) ఎమ్మెల్యే కోటా(MLA quota) ఎమ్మెల్సీల(MLC) ఎన్నికల ప్రక్రియ పూర్తైంది. ఎమ్మెల్యే కోటాలో కె.నవీన్ కుమార్(K Naveen Kumar), దేశపతి శ్రీనివాస్( Deshapathi Srinivas), చల్లా వెంకట్రామిరెడ్డి(Venkatram Reddy) ఏకగ్రీవంగా ఎన్నికయ్యారు. ముగ్గురు బీ ఆర్ ఎస్(Bharat Rashtra Samithi) ఎమ్మెల్సీలు రిటర్నింగ్ అధికారి నుంచి ఎన్నిక ధ్రువీకరణ పత్రం తీసుకున్నారు. ఎన్నిక ధ్రువీకరణ పత్రం స్వీకరణ కార్యక్రమంలో మంత్రులు వేముల ప్రశాంత్ రెడ్డి, మల్లారెడ్డి పాల్గొన్నారు. కార్యక్రమానికి పలువురు ఎమ్మెల్యేలు, ఎమ్మెల్సీలు హాజరయ్యారు.

ఈ నెల 9న రాష్ట్ర శాసనమండలికి ఎమ్మెల్యేల కోటా బీఆర్ఎస్ అభ్యర్థులుగా దేశపతి శ్రీనివాస్, కుర్మయ్యగారి నవీన్ కుమార్, చల్లా వెంకట్రామి రెడ్డి నామినేషన్ దాఖలు చేశారు. అసెంబ్లీ ఆవరణలో రిటర్నింగ్ అధికారికి తమ నామినేషన్ పత్రాలను సమర్పించారు.