Dharmapuri Aravind : మా ఇంటికి కూడా పోలీసులు వచ్చారు
ABN , First Publish Date - 2023-04-05T13:40:54+05:30 IST
రానున్న ఎన్నికల్లో ప్రతిపక్షాలకు డబ్బులు స్పాన్సర్ చేసే అంశం బయట పెట్టారని బీజేపీ ఎంపీ ధర్మపురి అరవింద్ పేర్కొన్నారు.
ఢిల్లీ : రానున్న ఎన్నికల్లో ప్రతిపక్షాలకు డబ్బులు స్పాన్సర్ చేసే అంశం బయట పెట్టారని బీజేపీ ఎంపీ ధర్మపురి అరవింద్ పేర్కొన్నారు. గతంలో సీఎం కేసీఅర్.. జర్నలిస్ట్ రాజ్ దీప్ ను పొగిడిన విషయాన్ని గుర్తు చేశారు. దీనిని తెలంగాణ ప్రజలు గమనించాలన్నారు. అన్ని శాఖలపై సీఎం పట్టు కోల్పోయారన్నారు. తెలంగాణలో ఎమర్జెన్సీ వాతావరణం నెలకొందన్నారు. అందరినీ అరెస్టులు చేస్తున్నారన్నారు. హైదరాబాద్‌లో తన ఇంటికి కూడా పోలీసులు వచ్చారని ధర్మపురి అరవింద్ పేర్కొన్నారు.
బీజేపీ నాయకులను దబాయించి ప్రభుత్వం నడుపుతామంటే.. తాము ఆగేది లేదని.. వెనక్కి తగ్గేదే లేదన్నారు. కేసీఅర్ వద్ద ఇన్ని డబ్బులు ఎక్కడివని.. దేశం నివ్వెరబోతోందని ధర్మపురి అరవింద్ పేర్కొన్నారు. లిక్కర్ కేసు అడ్వాన్స్ స్టేజ్‌లో ఉందన్నారు. రానున్న కాలంలో ఏం బయటకు వస్తాయో తెలియాల్సి ఉందన్నారు. అందరినీ అరెస్ట్ చేసి ఎమర్జెన్సీ క్రియేట్ చేయాలని అనుకుంటున్నారన్నారు.
