DK Aruna: డీకే అరుణ ఎన్నికపై తెలంగాణ సీఈఓకు కేంద్ర ఎన్నికల సంఘం లేఖ
ABN , First Publish Date - 2023-09-04T18:52:35+05:30 IST
గద్వాల(Gadwala) నుంచి డీకే అరుణ(DK Aruna) ఎమ్మెల్యేగా ఎన్నికైనట్లుగా ప్రచురించాలని రాష్ట్ర ఎన్నికల సంఘానికి కేంద్ర ఎన్నికల సంఘం(Central Election Commission) నిర్దేశం చేసింది.
ఢిల్లీ: గద్వాల(Gadwala) నుంచి డీకే అరుణ(DK Aruna) ఎమ్మెల్యేగా ఎన్నికైనట్లుగా ప్రచురించాలని రాష్ట్ర ఎన్నికల సంఘానికి కేంద్ర ఎన్నికల సంఘం(Central Election Commission) నిర్దేశం చేసింది. ఈ మేరకు సోమవారం నాడు తెలంగాణ సీఈఓకు కేంద్ర ఎన్నికల సంఘం అండర్ సెక్రటరీ సంజయ్ కుమార్ లేఖ రాశారు. ఇటీవల తెలంగాణ హైకోర్టు ఇచ్చిన ఉత్తర్వులను తదుపరి గెజిట్లో ప్రచురించాలని లేఖలో పేర్కొంది.తెలంగాణ సీఈఓ రాసిన లేఖతో హైకోర్టు తీర్పు కాపీని కేంద్ర ఎన్నికల సంఘం జతపరిచింది. ఈ మేరకు రాష్ట్ర ఎన్నికల ప్రధాన అధికారికి, రాష్ట్ర ప్రధాన కార్యదర్శికి, అసెంబ్లీ కార్యదర్శికి కేంద్ర ఎన్నికల సంఘం లేఖ పంపించింది. డీకే అరుణను ఎమ్మెల్యేగా ప్రకటిస్తూ గెజిట్ నోటిఫికేషన్ జారీ చేయాలని కేంద్ర ఎన్నికల సంఘం ఆదేశించింది.
