TS News: నెల రోజుల క్రితం మిస్ అయిన విద్యార్థి.. చివరకు

హైదరాబాద్: నెల రోజుల క్రితం మిస్సింగ్ అయిన విద్యార్థి (Student Missing) కథ విషాదాంతంగా ముగిసింది. విద్యార్థి నిఖిల్ అనుమానాస్పద స్థితిలో చెరువులో శవమై కనిపించాడు‌. శంషాబాద్‌కు చెందిన రిఖిల్ కుమార్ ఇంటర్మీడియట్ చదువుతున్నాడు. గత నెల కాలేజ‌్‌కు వెళ్తున్నట్లు చెప్పి వెళ్లిన నిఖిల్ ఇంటికి తిరిగిరాలేదు. దీంతో కుటుంబసభ్యులు తెలిసిన ప్రదేశాలలో విద్యార్థి కోసం వెతికినా ఆచూకీ లభించలేదు. చివరకు విద్యార్థి అదృశ్యంపై తల్లిదండ్రులు పోలీసులకు ఫిర్యాదు చేశారు. మిస్సింగ్ కేసుగా నమోదు చేసిన పోలీసులు దర్యాప్తు చేపట్టారు. విద్యార్థి కోసం గాలించగా... ఈ రోజు శంషాబాద్ మున్సిపాలిటీ పరిధిలోని చారీనగర్ కాలనీ శివారులోని చెరువులో మృతదేహం లభించింది. మృతదేహాన్ని వెలికితీసిన పోలీసులు పోస్టుమార్టం నిమిత్తం ఉస్మానియా మార్చురీకి తరలించారు. విద్యార్థి మృతి సమాచారం తెలిసిన తల్లిదండ్రులు కన్నీరు మున్నీరుగా విలపిస్తున్నారు.