Kishan Reddy: అందుకే లేఖలు రాస్తున్నా: కిషన్‌రెడ్డి

ఢిల్లీ: తెలంగాణా (Telangana) ముఖ్యమంత్రికి కేంద్ర ప్రభుత్వం తరపున అమలు చేస్తున్న అభివృద్ధి కార్యక్రమాలపై లేఖలు రాస్తున్నానని కేంద్రమంత్రి కిషన్‌రెడ్డి (Kishan Reddy) తెలిపారు. కేంద్ర అభివృద్ధి కార్యక్రమాలు ప్రజలకు తెలియాలన్నారు. ముఖ్యమత్రి కేసీఅర్‌ (CM KCR)కు రాష్ట్రం అభివృద్ధి జరగాలని లేదన్నారు. కేంద్ర ప్రభుత్వాన్ని విమర్శించటం మాత్రమే తెలుసన్నారు. కేంద్రం అందించే సహకారాన్ని అందిపుచ్చుకునే ఆలోచన లేదని చెప్పారు. మళ్ళీ అధికారంలోకి రావాలనే ఆలోచన.. తప్ప అభివృద్ధి గురించి ఆలోచన లేదని ఆగ్రహం వ్యక్తం చేశారు. ప్రధాని నరేంద్ర మోడీ (PM Modi) వస్తే, ముఖ్యమంత్రికి తీరిక లేదని విమర్శించారు. మహారాష్ట్రలో మాత్రం గాల్లో దీపం పెట్టేలా, బీఆర్ఎస్ మీటింగ్ పెడ్తారట అని ఎద్దేవా చేశారు. భద్రాచలంలో రాముని కళ్యాణం కోసం హాజరై పట్టు వస్త్రాలు సమర్పించే సమయం లేదన్నారు. రంజాన్ సందర్భంగా వేషం మార్చుకుని దట్టి సమర్పిస్తారని విమర్శించారు.