Vijayashanti : ఆ చేరికల్లో ఏ ఒక్కటీ తక్కువ కాదు...

హైదరాబాద్(Hyderabad): మునుగోడు ఉపఎన్నిక (munugodu by-election)లో కోమటిరెడ్డి రాజగోపాల్‌రెడ్డి(Komati Reddy Rajagopal Reddy)ని గెలవనీయకుండా ప్రత్యర్థి పార్టీల నేతలు వ్యూహాలు పన్నారని, ఆయన గెలవకపోవడంతో బీజేపీ( BJP)లోకి చేరికలు ఆగిపోయాయని బీజేపీ వ్యతిరేకులు అనడం అవివేకమని ఆ పార్టీ సీనియర్ నేత విజయశాంతి(Vijayashanti) అన్నారు. ఆదివారం సోషల్ మీడియా(Social media)లో ఈ మేరకు రాములమ్మ ఓ వార్త పోస్ట్ చేశారు. ఆమె ఏమన్నారంటే.. బీజేపీలో ఇప్పటికీ పలు పార్టీల నుంచి చేరికలు జరుగుతునే ఉన్నాయి. గ్రేటర్ ఎన్నిక(Greater election)ల విజయం, హుజురాబాద్(Huzurabad) ఎన్నికల విజయాల అనంతరం కూడా పార్టీలోకి చేరికలు జరిగినప్పటికీ ప్రభుత్వ నియంత్రిత ప్రసారసాధనాల్లో అవి ఎక్కువగా కనపడట్లేదని చెప్పారు. అదేవిధంగా మునుగోడు ఉపఎన్నిక తర్వాత జరిగిన అనేక చేరికలు ప్రచారంలో పెద్దగా ప్రాధాన్యం సంతరించుకోనప్పటికీ, ఆ చేరికల్లో ఏ ఒక్కటీ తక్కువ కాదు. ప్రతి కార్యకర్త పార్టీలో చేరడం బీజేపీకి అత్యంత గౌరవనీయమైనదేనని విజయశాంతి తెలిపారు.