Minister Harish Rao: సీఎం కేసీఆర్ కృషితో రాష్ట్రంలో రైతులు ఆనందంగా ఉన్నారు..

Siddipet: కన్న కొడుకు చూడకపోయినా ఇంటికి పెద్ద కొడుకులా సీఎం కేసీఆర్(CM KCR) పెన్షన్ అందిస్తున్నారని మంత్రి హరీష్ రావు(Minister Harish Rao) అన్నారు. శుక్రవారం ఆయన సిద్ధిపేట జిల్లాలోని చిన్నకోడూర్ మండలంలోని చెర్ల అంకిరెడ్డి పల్లి గ్రామంలో పర్యటించారు. అనంతరం పలు అభివృద్ధి పనులకు శంకుస్థాపన చేశారు. ఈ సందర్భంగా హరీష్ మీడియాతో మాట్లాడుతూ..గత పాలకుల హయాంలో కరెంట్, ఎరువుల కొరతలు వుండేవన్నారు. ఇప్పుడు 24 గంటల కరెంట్(24 hours current) రైతులకు అందిస్తున్నామని తెలిపారు. కాంగ్రెస్ ప్రభుత్వంలో రైతుల కండ్లలో నీరు వచ్చేవి..నేడు సీఎం కేసీఆర్ కృషితో ప్రాజెక్టులతో రైతుల కళ్ళల్లో ఆనందాన్ని చూస్తున్నామన్నారు. రైతు బంధు కింద రూ. 7.50 కోట్లు అందించాం.10 రోజులలో రంగనాయక సాగర్ రిజర్వాయర్ నుంచి కాలువల ద్వారా చెరువులు నింపి, సాగునీరు అందిస్తున్నామని అన్నారు. బీజేపీ పాలిత ప్రాంతాలలో రూ.1000 పెన్షన్ కూడా ఇవ్వడం లేదని, తెలంగాణలో రూ.2వేలు పెన్షన్ అందిస్తున్నట్లు హరీష్ తెలిపారు.