Harish Rao: జగ్గారెడ్డిపై హరీశ్‌రావు విమర్శలు.. అడ్రస్ లేరంటూ వ్యంగ్యాస్త్రాలు
ABN , First Publish Date - 2023-09-16T15:07:59+05:30 IST
ఆ ఎమ్మెల్యే అడ్రస్ లేడు.. ఎక్కడున్నాడో తెలియదు. నియోజకవర్గ ప్రజలకు ఎమ్మెల్యే ఫోన్ నంబర్ తెలియదు. కాంగ్రెస్ వాళ్లు గొప్పలు చెప్పి చెవిలో పువ్వులు పెడుతున్నారు. 60 ఏళ్ల కాంగ్రెస్ పాలనలో
సంగారెడ్డి: సంగారెడ్డి ఎమ్మెల్యే జగ్గారెడ్డి గెలిచినప్పటి నుంచి ప్రజలకు అందుబాటులో లేరని మంత్రి హరీష్‌రావు విమర్శించారు. జగ్గారెడ్డిపై మంత్రి విమర్శలు గుప్పించారు. ‘‘ఆ ఎమ్మెల్యే అడ్రస్ లేడు.. ఎక్కడున్నాడో తెలియదు. నియోజకవర్గ ప్రజలకు ఎమ్మెల్యే ఫోన్ నంబర్ తెలియదు. కాంగ్రెస్ వాళ్లు గొప్పలు చెప్పి చెవిలో పువ్వులు పెడుతున్నారు. 60 ఏళ్ల కాంగ్రెస్ పాలనలో కాంగ్రెస్ చేసేందేమి లేదు. కాంగ్రెస్‌వి వట్టి మాటలే... కేసీఆర్ సర్కార్ (KCR Government) చేతల ప్రభుత్వం. కేసీఆర్ పక్కా హిందూ.. కానీ కుల మతాలకు అతీతంగా పని చేస్తారు. సీఎం కేసీఆర్ అద్భుతాలు సృష్టిస్తున్నారు. కాంగ్రెస్ వాళ్లు అబద్ధాలు చెబుతున్నారు.’’ మంత్రి దుయ్యబట్టారు.
