DK Sivakumar: డీకే శివకుమార్‌ను కలిసిన ఎంపీ కోమటిరెడ్డి

బెంగళూరు: కర్నాటక పీసీసీ చీఫ్‌ శివకుమార్‌ను ఎంపీ కోమటిరెడ్డి వెంకటరెడ్డి (MP Komati Reddy Venkata Reddy) కలిశారు. బెంగళూరులోని కుమారప్ప అతిథిగృహంలో డికేతో కోమటిరెడ్డి భేట అయ్యారు. ఈ సందర్భంగా కర్నాటక కాంగ్రెస్‌ విజయంపై డీకేకు కోమటిరెడ్డి అభినందనలు తెలిపారు. ట్రబుల్ షూటర్, కేపీసీసీ అధ్యక్షుడు డీకే శివకుమార్‌ (DK Shivakumar) కీలకంగా వ్యవహరించారు. ముఖ్యంగా పోల్ మేనేజ్మెంట్, మీడియా మేనేజ్మెంట్, పార్టీ అంతర్గత వ్యవహారాలు చక్కదిద్దడం వంటి అనేక అంశాల్లో డీకేకు మంచి పట్టుందని హైకమాండ్ గుర్తించింది. ప్రస్తుతం డిప్యూటీ సీఎం, రాష్ట్ర అధ్యక్షుడిగా ఉన్న డీకేకు.. తెలంగాణ కాంగ్రెస్ (TS Congress) బాధ్యతలను ఆ పార్టీ అధిష్టానం అప్పగించాలని నిర్ణయించిందని గత కొన్నిరోజులుగా ఇటు మెయిన్‌స్ట్రీమ్ మీడియాలో.. అటు సోషల్ మీడియాలో పెద్ద ఎత్తున వార్తలు వస్తున్న విషయం తెలిసిందే. అంతేకాదు.. కాంగ్రెస్‌లో పరిస్థితులను చక్కబెట్టడానికి డీకే ఇప్పటికే రంగంలోకి దిగేశారని.. పార్టీలో చేరికల నుంచి ట్రబుల్‌ షూటింగ్‌ వరకు అన్నీ ఇక ఆయన కనుసన్నల్లోనే జరుగుతాయని పార్టీ శ్రేణులు పెద్ద ఎత్తున చెప్పుకుంటూ వస్తున్నాయి.