దయాకర్ రెడ్డి మృతిపై స్పందించిన నారా లోకేష్, రేవంత్

హైదరాబాద్ : మాజీ ఎమ్మెల్యే కొత్తకోట దయాకర్ రెడ్డి గారి మృతి పట్ల సంతాపం వ్యక్తం చేస్తున్నానని టీడీపీ జాతీయ ప్రధాన కార్యదర్శి నారా లోకేష్ అన్నారు. వారి ఆత్మకు శాంతి కలగాలని ఆ దేవుడ్ని ప్రార్థిస్తున్నానన్నారు. కుటుంబ సభ్యులకు నారా లోకేష్ తన ప్రగాఢ సానుభూతి తెలిపారు.

అలాగే కొత్తకోట దయాకర్ రెడ్డి మృతి పట్ల టీపీసీసీ అధ్యక్షుడు రేవంత్ రెడ్డి ప్రగాఢ సంతాపం వ్యక్తం చేశారు. ఒక మంచి మిత్రుణ్ణి కోల్పోయానన్నారు. ఆయన ఆత్మకు శాంతి చేకూరాలని భగవంతుణ్ణి ప్రార్థిస్తున్నానన్నారు. ఒక మంచి ప్రజా నాయకుడు దయాకర్ రెడ్డి మరణం తెలంగాణ ప్రజానీకానికి తీరని లోటన్నారు. నిత్యం ప్రజల మధ్య ఉండి జనం కోసం పోరాడే నేత దయాకర్ రెడ్డి అని కొనియాడారు. ఆయన కుటుంబానికి రేవంత్ రెడ్డి తన ప్రగాఢ సానుభూతి తెలిపారు.