SI: ఎస్ఐపై సంచలన ఆరోపణ.. యువకుడి సెల్ఫీ వీడియో కలకలం

నిజామాబాద్‌: జిల్లాలో యువకుడి సెల్ఫీ వీడియో కలకలం రేగింది. ఎస్ఐ బాబూరావు (SI Baburao) వేధిస్తున్నాడని యువకుడు క్రాంతి (Kranthi) పురుగులమందు తాగుతున్న సెల్ఫీ వీడియో (Selfie Video) సోషల్ మీడియాలో వైరల్ గా మారింది. రూ.7 లక్షలు, 3 తులాల బంగారం తీసుకుని ఎస్‌ఐ ఇవ్వట్లేదని ఆ వీడియోలో ఆవేదన వ్యక్తం చేశాడు. దంపతుల మధ్య విభేదాలు సృష్టించి తన భార్యను ఎస్‌ఐ ఇంటికి తీసుకెళ్లాడని ఆ వీడియోలో యువకుడు ఆరోపించినట్లు తెలుస్తోంది. భార్య, పిల్లలను ఎస్‌ బాబూరావు తనకు దూరం చేశాడని క్రాంతి ఆరోపించాడు. పురుగుల మందు తాగి క్రాంతి ఆత్మహత్యాయత్నానికి పాల్పడ్డాడు. పరిస్థితి విషమంగా ఉంది. ఆస్పత్రికి తరలించారు. బాధితుడు కుటుంబీకులు, బంధువులు ఆవేదన వ్యక్తం చేస్తున్నారు. ఈ ఘటనకు కారకులైన బాధ్యులపై కఠిన చర్యలు తీసుకోవాలని డిమాండ్ చేస్తున్నారు. తమకు తగిన న్యాయం చేయాలని కుటుంబీకులు వాపోతున్నారు.