Nizamabad: ఆరు హత్యల కేసులో మరో ముగ్గురి అరెస్ట్
ABN , Publish Date - Dec 19 , 2023 | 10:39 AM
Telangana: జిల్లాలో సంచలనం రేపిన ఆరు హత్యల కేసులో నిందితుడు గొల్ల ప్రశాంత్‌తో పాటు మరో ముగ్గురిని పోలీసులు అరెస్ట్ చేశారు. ఒకే కుటుంబానికి చెందిన ఆరుగురిని ప్రశాంత్ గ్యాంగ్ దారుణంగా హత్య చేసింది.
నిజామాబాద్: జిల్లాలో సంచలనం రేపిన ఆరు హత్యల కేసులో నిందితుడు గొల్ల ప్రశాంత్‌తో పాటు మరో ముగ్గురిని పోలీసులు అరెస్ట్ చేశారు. ఒకే కుటుంబానికి చెందిన ఆరుగురిని ప్రశాంత్ గ్యాంగ్ దారుణంగా హత్య చేసింది. మాక్లూర్‌‌కు చెందిన తన మిత్రుడు ప్రసాద్‌తో పాటు భార్య రమణి, ఇద్దరు పిల్లలు చైత్రిక, చైత్రిక్, చెల్లెల్లు స్వప్న, స్రవంతిలను ప్రశాంత్ చంపేశాడు. ప్రసాద్ ఇంటిని సొంతం చేసుకునేందుకు నిందితుడి గ్యాంగ్ ఈ వరుస హత్యలకు పాల్పడింది. ప్రశాంత్ రాజకీయ అండదండలతో భూ వివాదాలు, సెటిల్‌మెంట్లు చేస్తున్నాడు. ఈ క్రమంలో ప్రసాద్‌కు చెందిన ఇంటిపై కన్ను పడగా.. దానిని సొంతం చేసుకునేందుకు ప్రశాంత్ ఇంత దారుణంగా ఆరుగురిని హతమార్చాడు. మరికొద్దిసేపట్లో కామారెడ్డి జిల్లా ఎస్పీ కార్యాలయంలో నిందితులను మీడియా ముందు ప్రవేశపెట్టనున్నారు. కేసుకు సంబంధించిన వివరాలను ఎస్పీ మీడియాకు వెల్లడించనున్నారు.
మరిన్ని తెలంగాణ వార్తల కోసం ఇక్కడ క్లిక్ చేయండి...
