AP: ప్రయాణికుడి వద్ద బుల్లెట్లు.. టార్గెట్ ఏమిటంటే..
ABN , Publish Date - Nov 07 , 2024 | 10:37 AM
తూర్పు గోదావరి జిల్లా రాజమండ్రి ఎయిర్ పోర్ట్‌లో ప్రయాణికుడి వద్ద బుల్లెట్లు కలకలం రేపాయి. గత రాత్రి రాజమండ్రి నుండి హైదరాబాద్ వెళుతున్న సుబ్బరాజు అనే ప్రయాణికుడి వద్ద బుల్లెట్లను అధికారులు గుర్తించారు.
రాజమండ్రి: తూర్పు గోదావరి జిల్లా రాజమండ్రి ఎయిర్ పోర్ట్‌లో ప్రయాణికుడి వద్ద బుల్లెట్లు కలకలం రేపాయి. గత రాత్రి రాజమండ్రి నుండి హైదరాబాద్ వెళుతున్న సుబ్బరాజు అనే ప్రయాణికుడిని భద్రతా సిబ్బంది తనిఖీ చేశారు. అతడి వద్ద 6 బుల్లెట్లు ఉన్నట్లు గుర్తించిన పోలీసులు వెంటనే అదుపులోకి తీసుకుని విచారిస్తున్నారు. ప్రయాణికుడిపై కేసు నమోదు చేసిన అధికారులు అతడికి బుల్లెట్లు ఎక్కడి నుంచి వచ్చాయి? ఎక్కడికి తీసుకెళ్తున్నాడు? అనే విషయాలపై ఆరా తీస్తున్నారు.
నిబంధనలను అతిక్రమించి ఎయిర్ పోర్టులోకి బుల్లెట్లతో వచ్చిన మంతెన సుబ్బరాజు అనే ప్రయాణికుడిపై కోరుకొండ పోలీసులు కేసు నమోదు చేశారు. ఎయిర్ పోర్టు అదికారులు ఇచ్చిన ఫిర్యాదుపై పోలీసులు పూర్తిగా దర్యాప్తు చేపట్టారు. ప్రయాణికుడి నుంచి స్వాదీనం చేసుకున్న ఆరు బుల్లెట్లను సీజ్ చేశారు.
గన్ లైసెన్స్..
ప్రయాణికుడు సుబ్బరాజు విజయవాడకు చెందిన వ్యక్తి. పిఠాపురం పెళ్లికి హాజరై హైదరాబాద్‌కు వెళ్తుండగా అధికారులు పట్టుకున్నారు. అయితే, తనకు గన్ లైసెన్స్ ఉన్నట్లు ప్రయాణికుడు సుబ్బరాజు పోలీసులకు వివరణ ఇచ్చాడు.
Also Read:
సినీ ఫక్కీలో కార్‌ చేజింగ్.. ఏం జరిగిందంటే
ఈ రైల్వే గార్డుకు సలాం కొట్టాల్సిందే.. తల్లిదండ్రులను పిల్లలతో ఎలా కలిపాడో చూడండి..
వైసీపీ మాజీ ఎమ్మెల్యే ఇంట్లో రెండో రోజు కొనసాగుతున్న ఐటీ సోదాలు
For More Telugu News
